सायबर फसवणुकीसाठी ‘म्युल’ बँक खाती उघडल्याप्रकरणी दोघांवर गुन्हा

सायबर फसवणुकीसाठी ‘म्युल’ बँक खाती उघडल्याप्रकरणी दोघांवर गुन्हा

इचलकरंजी, ता. २१ :

सायबर फसवणुकीसाठी वापरल्या जाणाऱ्या ‘म्युल’ बँक खाती उघडल्याप्रकरणी शहापूर पोलिसांनी दोघांविरुद्ध गुन्हा दाखल केला आहे.

याप्रकरणी पोलीस अंमलदार गणेश दिलीप लोहार यांनी सरकारतर्फे फिर्याद दिली आहे. त्यावरून संदीप आण्णासो सातपुते (रा. शहापूर, इचलकरंजी) आणि विक्रम जुवेकर (रा. बेळगाव, कर्नाटक) यांच्याविरुद्ध गुन्हा नोंद करण्यात आला आहे.

पोलिसांनी दिलेल्या माहितीनुसार, फेब्रुवारी २०२६ ते २० जुलै २०२६ या कालावधीत आरोपींनी संगनमत करून सायबर फसवणुकीसाठी वापरल्या जाणाऱ्या ‘म्युल’ बँक खात्यांची उघडणी केली. या खात्यांचा वापर फसवणुकीतून प्राप्त झालेली रक्कम इतर बँक खात्यांमध्ये वळविण्यासाठी करण्यात येणार होता, असा फिर्यादीत उल्लेख आहे.

या प्रकरणाचा पुढील तपास पोलीस उपनिरीक्षक दरेकर करीत आहेत.