सौदे करताना डाईंंग गॅरंटी बाबत स्पष्ट उल्लेख करावा-पॉवरलूम असोसिएशन.
इचलकरंजी
गेल्या कांही महिन्यांपासून कॉटन सुतामध्ये विस्कोस मिक्स करणेचे प्रमाण वाढल्याने कांही कापड व्यापारी सेकंड क्वालिटीचे कापड म्हणून यंत्रमागधारकांचे पैसे कमी करणे, पैसे देणेसाठी विलंब करणे अशा तक्रारी वाढल्या आहेत. यामुळे बऱ्याच यंत्रमागधारक व व्यापारी यांच्यामध्ये वादावादीचे प्रसंग निर्माण होत आहेत. यामुळे यंत्रमागधारकांचे मोठ्याप्रमाणात आर्थिक नुकसान होत आहे. अशा प्रकारच्या तक्रारी दि इचलकरंजी पॉवरलुम असोसिएशनकडे आलेल्या आहेत. आधिच यंत्रमागधारक वेगवेगळ्या अडचणीतून जात आहे. त्यातच या भेसळयुक्त सुतामुळे यंत्रमागधारक मोठ्या अडचणतीत आला आहे. त्यामुळे येथून पुढे यंत्रमागधारकांनी कापडाचे सौदे करताना डाइंग गॅरंटी दिली जाणार नाही असे दलाल व व्यापाऱ्यास सांगावे. तसेच कॉन्ट्रॅक्ट (कापड सौद्याचा करार) करीत असताना त्यामध्ये डाइंग गॅरंटी दिली जाणार नाही असा उल्लेख करावा व बिल देताना त्या बिलावरती नो गॅरंटी फॅब्रीक असे छापावे अथवा शिक्का मारावा.
सुत गिरण्यांकडून येणाऱ्या सुताची गॅरंटी सुत व्यापारी देत नाहीत. त्याचबरोबर कापड व्यापारी डाइंग झाल्यानंतर क्लेम मागतात आणि यामधून कारखानदार व व्यापाऱ्यांमध्ये वादाच्या तक्रारींचे प्रमाण वाढलेले आहे. त्यामुळे दि इचलकरंजी पॉवरलुम असोसिएशनने सर्व कारखानदारांना व्यापार करताना याची काळजी घेणेचे आवाहन कलेले आहे. त्याचबरोबर या कापड सौद्यामध्ये दलाल व व्यापारी यांनी सहकार्य करावे तसेच अशाप्रकारच्या डाइंग गॅरंटीबद्दल कोणाची तक्रार आलेस अशा कारखानदारांनी दि इचलकरंजी पॉवरलुम असोसिएशनशी संपर्क साधावा असे असे आवाहन दि इचलकरंजी पॉवरलुम असोसिएशनचे अध्यक्ष चंद्रकांत पाटील यांनी प्रसिद्धीस दिलेल्या पत्रकात केलेले आहे.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
