इंदिरा गांधी सामान्य रुग्णालयात बालरोगतज्ज्ञांच्या व अधिपरीचारीकांच्या प्रयत्नामुळे दोन वर्षांच्या बालकास जीवदान
इचलकरंजी ता. २३ ऑगस्ट २०२४
सरकारी रुग्णालयाच्या कामांवर अनेक वेगवेगळ्या कारणावरून टीका होते. मात्र याच रुग्णालयातील वैद्यकीय अधिकारी अधिपरिचारिका यांच्या प्रयत्नामुळे एका बालकाला जीवनदान मिळालंय इचलकरंजी येथील असलेल्या इंदिरा गांधी सामान्य रुग्णालयातील बालरोगतज्ञ व अधिपरिचारिका यांनी एका दोन वर्षाच्या बाळाला जीवनदान दिलंय. आज सकाळी १०.४५ वाजेच्या सुमारास शाहू नगर चंदूर येथील दोन वर्षाचे वर्षाचे बाळ रितेश प्रकाश यळसंगे हे पाण्याच्या हौदामध्ये पडल्याने अत्यवस्थ अवस्थेमध्ये होते. यावेळी त्या बाळाला नातेवाईकांनी तातडीने इचलकरंजी येथील इंदिरा गांधी सामान्य रुग्णालयात दाखल केले यावेळी रुग्णालयातील अपघात विभागामध्ये बाळाची प्राथमिक तपासणी करताना त्याच्या नाडीचे, हृदयाचे ठोके व रक्तदाब लागत नसल्याचे वैद्यकीय अधिकारी यांच्या निदर्शनास आले.
यावेळी कर्तव्यावर उपस्थित असलेले बालरोगतज्ञ डॉ चंद्रशेखर लाटकर, डॉ संदीप मिरजकर डॉ शोएब मोमीन डॉ बोरगावे, डॉ बागवान अधिपरिचारिका श्रीमती गुलनार मुल्ला,बालरुग्णतज्ञ परिचारिका श्रीमती सोनल माने,अधिपरिचारक श्री प्रभाकर गायकवाड,श्री पवन म्हस्के यांनी शर्थीचे प्रयत्न करून त्या बाळास जीवनदान दिले. तब्बल एक तासाच्या प्रयत्नानंतर बाळाच्या नाडीचे हृदयाचे ठोके व रक्तदाब पुर्वत करण्यात बालरोगतज्ज्ञांना व उपस्थित असलेल्या वैद्यकीय टीमला यश आले. यानंतर बाळाची प्रकृती स्थिर झाल्यांनतर बाळाला पुढील उपचारासाठी कोल्हापुरातील सी.पी.आर हॉस्पिटल येथे पाठवण्यात आले.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
