अनंत चतुर्दशी निमित्त वाहतूक मार्गात बदल.

इचलकरंजी

अनंत चतुर्दशी निमित्त विसर्जन मिरवणुका व भाविकांची होणारी गर्दीच्या अनुषंगाने १७-९-२०२४ रोजी सकाळी ८ वाजल्यापासून मिरवणूक संपेपर्यंत वाहतूक मार्गात पुढील प्रमाणे बदल करण्यात आलेला आहे.याबाबतचा जाहीरनामा जिल्हापोलिसप्रमुख महेंद्र पंडित यांनी प्रसिद्ध केला आहे.

सार्वजनिक गणेशमुर्ती विसर्जन मुख्य मार्ग शाहु पुतळा-शिवतीर्थ-जनता चौक- गांधी पुतळा झेंडा चौक-मरगुबाई मंदिर चौक ते नदी घाट असा असणार आहे.

वाहतुकीसाठी बंद व चालु केलेले मार्ग खालील प्रमाणे

१.. सांगली, जयसिंगपुर कडुन यड्राव फाटा मार्गे इचलकरंजी शहरात येणा-या वाहनांसाठी झेंडा चौक-गांधी पुतळा-जनता चौक-हवामहल बंगला-शिवतीर्थ कडे येणा-या सर्व प्रकारच्या वाहनांना व एसटी बसेसला बंदी घालण्यात येत आहे.

पर्यायी मार्ग वरील सर्व प्रकारची वाहतुक फॉरच्युन प्लाझा येथुन लालनगर-थोरात चौक-डॉ. बाबासाहेब आंबेडकर पुतळा या मार्गाने एसटी स्टैंड व शाहु पुतळा कडे येतील व सांगला/जयसिंगपुर कडे जाणा-या सर्व प्रकारच्या वाहनांना व एसटी बसेसची वाहतुक त्याच मार्गाने परत जातील.

२.. कुरुंदवाड, अब्दुललाट, शिरदवाड, हुपरी, कागल, निपाणी व कर्नाटकातुन येणारी सर्व प्रकारची वाहतुक ही पंचगंगा पुल येथुन इचलकंरजी शहरात येण्यास बंदी घालण्यात येत आहे.

पर्यायी मार्ग – त्यांना पर्यायी मार्ग पटटणकोडोली-इंगळी, रुई पुल-कबनूर मार्गे येतील व त्याच मार्गाने परत जातील तसेच कुरुंदवाड, बोरगांव व कर्नाटकातुन इचलकरंजी कडे येणा-या सर्व प्रकारच्या वाहनांना अब्दुललाट-हेरवाड-कुरुंदवाड-शिरढोण-टाकवडे-महासत्ता चौक-थोरात चौक-आंबेडकर पुतळा मार्गे इचलकरजी शहरात येतील व त्याच मार्गाने परत जातील.

३..मिरवणुकीचा मुख्य मार्ग छ. शाहु महाराज पुतळा पासुन शिवतीर्थ, जनता चौक, गांधी पुतळा, झेंडा चौक, मरगुबाई मंदिर चौक ते पंचगंगा नदीघाट या मार्गास जोडणा-या सर्व पोट रस्त्यावरुन येणा-या सर्व प्रकारच्या वाहनांना मुख्य विसर्जन मार्गावर येण्यास व वाहन पार्कींग करण्यास मनाई करण्यात येत आहे.

तरी वरील प्रमाणे मार्ग हे अनंतचतुर्दशी दिवशी दिनांक १७/०९/२०२४ रोजी सकाळी ०८.०० वा ते संपुर्ण सार्वजनिक गणेशमुर्ती विसर्जन मिरवणुक संपेपर्यंत बंद व खुला करण्यात येत आहे.