इचलकरंजी फेस्टिव्हल नृत्य स्पर्धेत आ.रा.पाटील कन्या महाविद्यालयाचे यश

एकूण  ५२ नृत्यसंघांमधून कन्या महाविद्यालयाच्या विद्यार्थिनींनी तृतीय क्रमांक मिळून केले घवघवीत यश संपादन केले.येथील श्रीमती आक्काताई रामगोंडा पाटील कन्या महाविद्यालयाच्या विद्यार्थिनींनी गणेश उत्सवानिमित्त आयोजित इचलकरंजी फेस्टिवल 2024 मध्ये नृत्य स्पर्धेमध्ये तृतीय क्रमांक पटकावून घवघवीत यश संपादन केले.

इचलकरंजी फेस्टिवल गेल्या काही वर्षापासून इचलकरंजी आणि परिसरातील सर्वच नवोदित कलाकारांना एक व्यासपीठ उपलब्ध करून देण्याचं काम करते.
अगदी लहानापासून मोठ्यापर्यंत सर्वच वयोगटातील सामान्य लोकांच्याकडे विविध कलागुण असतात,त्यांना एक व्यासपीठ मिळवून देण्यासाठी या फेस्टिवलचा आयोजन करण्यात येते.
नृत्य,गायन,संगीत, मिसेस व मिस इचलकरंजी यासारख्या अनेक उपक्रम राबवले जातात.त्यामधीलच नृत्य स्पर्धा आज श्रीमंत घोरपडे नाट्यगृह येथे पार पडल्या.
या स्पर्धेमध्ये  एकून ५२ संघ सहभागी झाले होते.यामध्ये कन्या महाविद्यालयाच्या विद्यार्थिनींनी तृतीय क्रमांक प्राप्त केला. याबद्दल महाविद्यालयाचे प्राचार्य डॉ.बाबासाहेब दुधाळे यांनी त्यांचे अभिनंदन केले.महाविद्यालयाचे सांस्कृतिक विभाग प्रमुख डॉ. विठ्ठल नाईक, नृत्य दिग्दर्शक श्री महेश गवंडी यांच्या मार्गदर्शनाखाली कु. अपूर्वा सुकांत घोलकर,प्रणिता बिरंजे,कविता धुमाळ,
कीर्ती ताटे,स्वरूपा माळी या विद्यार्थिनींनी उत्कृष्ट नृत्य सादर केले.
उपस्थित सर्व मान्यवरांच्या हस्ते या विद्यार्थिनींचा स्मृतिचिन्ह देऊन सत्कार करण्यात आला,