कुत्र्यांचा उपद्रव,घोड्यांचे कळप इचलकरंजी आहे की प्राणिसंग्रहालय.महापालिका कारभाराचा पंचनामा भाग ३

इचलकरंजी-राजेश बांगड

इचलकरंजी महानगरपालिका हद्दीत ठिकठिकाणी ८-१० कुत्री कळपाने थांबत असून नागरिकाना उपद्रव सुरू आहे.सामूहिकरित्या येणाऱ्या जाणाऱ्या दुचाकीस्वाराना अटकाव करत त्यांच्या अंगावर धावून जाणे त्यांचा चावा घेणे हे प्रकार सतत घडत असतात.त्यामुळे काहीजनाना कायमचे किंवा अंशता अपंगत्व आले आहे.

काही दिवसांपूर्वीतर एका लहान बालकाच्या जीवावर बेतण्याचा प्रकार घडत होता.वारंवार मनपास  तक्रार करूनसुद्धा कार्यवाही संथगतीने सुरू आहे.यात भर पडली आहे ती रस्त्यावर मोकाट  कळपाने  फिरणारी घोड़ी.यामुळे दुचाकीस्वार आणि मोठी वाहने चालवणाऱ्याना त्रास होत आहे.घोडे कळपाने फिरत असुन अबालवृद्ध व नागरिकात भीतीचे वातावरण पसरले आहे.काही दिवसांपूर्वी कळपातील एका घोड्याचा पट्टा दुचाकीत अडकला व ती दुचाकी जवळपास २०० मीटर फरफटत गेली. सुदैवाने नागरिक नसल्याने जिवीतहानीचा प्रकार टळला असला तरी गाडीचे मोठे नुकसान झाले.

इचलकरंजी महानगरपालिका प्रशासन याबाबत काय भुमिका घेणार आणि या चालत्या फिरत्या प्राणिसंग्रहालयाचा कसा बंदोबस्त करणार याबाबत नागरिकांत चर्चा सुरू आहे.