आपटे वाचन मंदिरमध्ये आंतरमहाविदयालयीन वक्तृत्व स्पर्धा उत्साहात

इचलकरंजी (ता. २५) – येथील शतकोत्तर सुवर्णमहोत्सवी आपटे वाचन मंदिर येथे लोकमान्य टिळक पुण्यतिथीनिमित्त घेण्यात आलेल्या वक्तृत्व स्पर्धा उत्साहात पार पडल्या. पारितोषिक वितरण संस्थेचे संचालक श्री उदय कुलकर्णी उर्फ बापूसाहेब तारदाळकर यांचे हस्ते झाले. त्याप्रसंगी सर्वच स्पर्धेकांचे त्यांनी कौतुक केले व म्हणाले तुमची भाषणे ऐकताना मला यात भावी वक्ते दिसत होते अनेकांच्याकडे खूप चांगले गुण आहेत. तसेच अधिक चांगले वक्ते होण्यासाठी काय करावे यासाठी मार्गदर्शनही केले.

परीक्षक म्हणून डॉ. प्रा. राज पटेल व श्री. देवदत्त कुंभार यांनी काम पाहिले. त्यांनीही प्रारंभी गुणदान योजनेची माहिती देवून स्पर्धेनंतर समीक्षणात्मक दोन्ही परीक्षकांनी आपली मते मांडली.

प्रारंभी लोकमान्य टिळकांच्या प्रतिमेचे पूजन आपटे वाचन मंदिराचे संचालक श्री. अशोक केसरकर यांनी केले. स्वागत वाचनालयाच्या अध्यक्ष सौ. सुषमा दातार यांनी केले. प्रास्ताविक कार्यवाह कु. माया कुलकर्णी यांनी केले. परीक्षकांचे आभार पुस्तक व पुष्प देवून श्री. उदय कुलकर्णी व सौ. सुषमा दातार यांनी मानले. श्री. उदय कुलकर्णी यांचे पुष्प देवून संस्थेच्या अध्यक्ष सौ. सुषमा दातार यांनी स्वागत केले. सूत्रसंचालन कार्यवाह कु. माया कुलकर्णी यांनी केले. याप्रसंगी सहकार्यवाह डॉ. कुबेर मगदूम, संचालक प्रा. मोहन पुजारी हे उपस्थित होते. स्पर्धेसाठी मार्गदर्शक, प्राध्यापक व श्रोते हजर होते. स्पर्धेमध्ये सर्व मुलींनी बाजी मारली.

विजेते स्पर्धक पुढीलप्रमाणे –

प्रथम क्रमांक – कु. शांभवी श्रीकांत माळकर (श्री प‌द्माराजे विदयालय ज्युनिअर व व्यवस्या शिक्षण विभाग, शिरोळ)

व्दितीय क्रमांक – कु. प्रेरणा विनोद भाट (जयसिंगपूर कॉलेज, जयसिंगपूर) तृतीय क्रमांक कु. प्रज्ञा श्रीकांत माळकर (श्रीमती मथुबाई गरवारे कन्या महाविदयालय, सांगली) उत्तेजनार्थ – कु. मुस्कान मुबारक काळे (जयसिंगपूर कॉलेज, जयसिंगपूर