विश्व हिंदू परिषद धर्मप्रसार विभागातर्फे बुधवारी धर्म रक्षा दिनानिमित्त विविध उपक्रमांचे आयोजन

इचलकरंजी

शुद्धीकरण चळवळीचे प्रणेते धर्म रक्षक स्वामी श्रद्धानंदजी महाराज यांच्या पुण्यतिथी निमित्त विश्व हिंदू परिषदेतर्फे बुधवारी २५ डिसेंबर रोजी धर्मरक्षा दिनाचे आयोजन गायत्री भवन इचलकरंजी येथे करण्यात आले आहे.

आजपर्यंत झालेल्या धर्म रक्षकांच्या स्मरणार्थ आपणाही धर्म रक्षणाचे व्रत घ्यावे आणि त्यांची प्रेरणा घेऊन धर्म रक्षक म्हणून पुढील जीवनात कार्य करावे अशा उद्देशाने हा कार्यक्रम आयोजित केला आहे.शहरातील सर्व धर्मबंधूनी, भगिनीनी,अबाल वृद्धांनी आयोजित कार्यक्रमांमध्ये मोठ्या संख्येने उपस्थित राहून या धर्मकार्यात सहभागी व्हावे असे आवाहन विश्व हिंदू परिषदे तर्फे पत्रकार परिषदेत करण्यात आले.

धर्म रक्षक दिनाचे औचित्य साधून धर्म रक्षणाचे व्रत घेण्यासाठी धर्भ रक्षा महायज्ञाचे आयोजन करण्यात आल आहे. हे व्रत घेत असताना आपण भविष्यामध्ये धर्मातरण हेच राष्ट्रांतरण असे मानून धर्मांतरण होऊ नये, गोमातेची हत्या होऊ नये आणि लव्ह जिहाद सारख्या षडयंत्रातून आपल्या मुलींना वाचवण्यासाठी प्रयत्न करावे हा यामागील उद्देश असल्याचे संयोजकांनी स्पष्ट केले.

विश्व हिंदू परिषदेचे गोरक्षक कै.अमर विठ्ठल माने यांचे गोसेवेतील योगदानाला स्मरून तसेच आजपर्यंत झालेल्या धर्म रक्षकांच्या स्मरणार्थ महारक्तदान शिबिराचे आयोजन करण्यात आले आहे. सध्या महाराष्ट्रा मध्ये रक्त तुटवडा असल्यामुळे समाज सेवेची जाण ठेवून सर्वानी या रक्तदान शिबिरात मोठ्या प्रमाणात सहभाग होऊन रक्तदान करावे.

देशी गाईंचे रक्षण व्हावे आणि गोपालनासाठी प्रेरित व्हावे तसेच गोपालनातून आर्थिक प्रगती साधावी यासाठी आधारित माहिती व उत्पादनांचे प्रदर्शन व विक्री आयोजित करण्यात आले आहे. आपल्या राहणीमानामध्ये गो आधारित वस्तूंचा उपयोग करावा आणि नैसर्गिक जीवन जगावे असा आग्रह विश्व हिंदू परिषदेचा आहे. आणि त्यासाठी प्रदर्शनी ला भेट द्यावी असे आवाहन करीत आहो. गो-अर्क, गोणाईल, धूप बत्ती,शॅम्पू, साबण आणि गृहोपयोगी वस्तू प्रदर्शनासाठी तसेच विक्री साठी उपलब्ध असणार आहेत

विश्व हिंदू परिषदेची स्थापना उद्दिष्टे,कार्यप्रणाली,समाजं हितामध्ये केलेले कार्य, विविध आयामांच्या माध्यमातून राष्ट्र जागरण, धर्मजागृतीचे आणि सेवेचा आत्मीय भाव ठेवून हिंदू मूल्यांचा आणि समाजाच्या सेवेचे व्रत घेतलेल्या संघटनेचा समग्र परिचय प्रदर्शनात बघायला मिळणार आहे.

तसेच वनवासी कल्याणासाठी, धर्मांतरण थांबवण्यासाठी धर्म टिकवण्यासाठी काम केलेल्या अशा ११ धर्म रक्षकांच्या लेखमाला आपणास तिथे वाचायला मिळणार आहेत.विश्व हिंदू परिषद दर्शन व धर्म रक्षकांची लेखमाला प्रदर्शनी देखील भरवण्यात आली आहे.

प्रदर्शन व रक्तदान शिबीर सकाळी ८ ते दुपारी ३ तर महायज्ञ दुपारी १२ वाजेपर्यंत सर्वांसाठी खुले असणार आहे.सांगता समारंभ हा दुपारी १२  वाजता सुरु होईल त्यासाठी प्रमुख पाहुणे स्वामी श्री ईश्वर महास्वामी महाराज, सहकार भारतीच्या महिला प्रमुख सौ.वैशाली स्वप्नील आवाडे उपस्थित असणार आहेत. मुख्य मार्गदर्शक म्हणून विहिंप पश्चिम महाराष्ट्र प्रांत प्रमुख एडव्होकेट गृ‌णालिनीताई पडवळ सहप्रमुख श्री सतीशजी आरगडे यांच्या उपस्थितीत होईल.

तरी मोठ्या संख्येने महायज्ञाच्या साक्षीने आपण धर्म रक्षकाचे व्रत घ्यावे आणि आयोजित केलेल्या विविध कार्यक्रमांमध्ये सहभागी होऊन कार्यक्रमाची शोभा वाढवावी असे आवाहन विश्व हिंदू परिषदेतर्फे

सुजित कांबळे,मुकेश दायमा,प्रवीण सामंत,बाळासाहेब ओझा,सर्जेराव कुंभार,मुकुंद उरूनकर,रवीकिरण हुक्किरेकर,अमित कुंभार यांनी केले आहे