स्वर्गीय श्री सितारामजी महाजन यांच्या स्मरणार्थ शुक्रवारी साईप्रसाद ग्रुप तर्फे रक्तदान शिबिर,धान्य वाटपासह शववाहिका लोकार्पण.

इचलकरंजी

येथील माजी उपनगराध्यक्ष सुनील महाजन व यंत्रमागधारक जागृती संघटनेचे अध्यक्ष विनय महाजन यांचे वडील स्व.सीतारामजी महाजन यांच्या स्मरणार्थ श्री साईप्रसाद ग्रुप तर्फे विविध उपक्रम राबवण्यात येत आहेत.

 शुक्रवार दिनांक २७ डिसेंबर २०२४  रोजी सकाळी ९ पासून भव्य रक्तदान शिबिराचे आयोजन करण्यात आले आहे.दुपारी ४ वाजता श्री सुनील महाजन यांच्या तर्फे घेण्यात आलेल्या शववाहिकेचे  लोकार्पण व गोरगरीब, दिव्यांग, वृद्ध व विधवा महिलांना धान्य वाटपचा कार्यक्रम आयोजित करण्यात आलेला आहे.सर्व कार्यक्रम महेश क्लब, मंगलमूर्ति टॉकीजवळ,इचलकरंजी

येथे होणार आहेत. कार्यक्रमास खा. धैर्यशील माने, माजी आमदार सुरेशराव हाळवणकर व आजी माजी नगरसेवक उपस्थित राहणार आहेत.

रक्तदान शिबिरात जास्तीत जास्त रक्तदात्यांनी रक्तदान करून गरजू रूग्णांना सहकार्य करावे तसेच शववाहिका लोकार्पण या सामाजिक कार्याचे साक्षीदार व्हावे व एक चांगल्या सामाजिक कार्याला प्रोत्साहित करावे असे आवाहन महाजन बंधुतर्फे करण्यात आले आहे.