इचलकरंजी येथे खाजगी वैद्यकीय तज्ञांची कार्यशाळा संपन्न
इचलकरंजी
इचलकरंजी येथे १०० दिवस क्षयरोग मोहीमेचा एक भाग म्हणून खाजगी वैद्यकीय तज्ञांसाठी विशेष कार्यशाळेचे आयोजन करण्यात आले. या कार्यशाळेत क्षयरोग कार्यक्रमातील नवीन बदल, नोटीफिकेशन, अत्याधुनिक निदान व उपचार प्रणाली, साय-टीबी आणि क्षयरोग प्रतिबंधात्मक उपचार (टी.पी.टी.) यासारख्या महत्त्वपूर्ण विषयांवर मार्गदर्शन करण्यात आले.
ही कार्यशाळा जिल्हा क्षयरोग केंद्र, कोल्हापूर, पंचायत समिती कार्यालय हातकणंगले, इंदिरा गांधी सामान्य रुग्णालय, इचलकरंजी आणि मेडिकल असोसिएशन, इचलकरंजी यांच्या संयुक्त विद्यमाने माई टीबी क्लिनिक हॉल, इचलकरंजी येथे संपन्न झाली.
कार्यशाळेत मार्गदर्शन करताना जिल्हा क्षयरोग अधिकारी डॉ. हर्षला वेदक यांनी सन २०२५ अखेर क्षयमुक्त भारताच्या ध्येयात खाजगी वैद्यकीय व्यावसायिकांचे योगदान महत्त्वाचे राहील, असे मत व्यक्त केले.
कार्यशाळेस ७५ हून अधिक खाजगी डॉक्टर्स उपस्थित होते. या वेळी उपस्थित सर्व डॉक्टरांनी क्षयमुक्त भारताची शपथ घेतली. कार्यक्रमाचे सूत्रसंचालन डॉ. आरती कोळी आणि श्री. राहुल शेळके यांनी केले, तर आभारप्रदर्शन डॉ. मानसी कदम (वैद्यकीय अधिकारी, चेस्ट विभाग, आय.जी.जी.एच.) यांनी मानले.
महत्त्वाचे मुद्दे आणि चर्चासत्र
कार्यशाळेत विविध तज्ज्ञांनी क्षयरोग उपचार आणि त्याच्या प्रभावी अंमलबजावणीसंदर्भात आपले विचार मांडले.
आरोग्य अधिकारी, इचलकरंजी महानगरपालिका डॉ. सुनीलदत्त संगेवार यांनी क्षयरुग्णांचे नोटीफिकेशन करण्याचे आवाहन केले आणि जी.बी. सिंड्रोम या आजाराची सविस्तर माहिती दिली.
वैद्यकीय अधीक्षक डॉ. भाग्यरेखा पाटील यांनी सांगितले की सन २०२४ मध्ये इचलकरंजी टी.यू.मध्ये ४४७ क्षयरुग्णांचे निदान झाले असून, त्यांना शासकीय योजनांचा लाभ मिळावा यासाठी खाजगी डॉक्टरांनी सहकार्य करावे.
हातकणंगले तालुका आरोग्य अधिकारी डॉ. प्रसाद दातार यांनी स्पर्श मोहीम आणि कुष्ठरोगासंबंधी माहिती दिली.
डॉ. माधव ठाकूर (वैद्यकीय अधिकारी, जिल्हा क्षयरोग केंद्र) यांनी निक्षय प्रणाली, टीबी केअर, पोषण आहार योजना आणि खाजगी डॉक्टरांसाठी प्रोत्साहनपर भत्ता याबाबत सविस्तर मार्गदर्शन केले.
एम.डी. चेस्ट फिजिशियन डॉ. मोहन पोतदार यांनी शासकीय उपचार पद्धतींची प्रभावी अंमलबजावणी होत असल्याबद्दल समाधान व्यक्त केले.
कार्यशाळेत मेडिकल असोसिएशन, इचलकरंजी चे अध्यक्ष नितीन जाधव, सेक्रेटरी वैभव पाटील, तसेच अमित देशमुख, संजय पुजारी, विजय गवंडी, मनीष परदेशी, शिवानंद कोरबु, महेश पाटोळे, सचिन जाधव, अदिती अक्कोळे, अपूर्वा कोपार्डे, एकनाथ पाटील, विजय प्रधान, जावेद मुल्ला यांसह अनेक मान्यवर उपस्थित होते.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
