इचलकरंजी कुरुंदवाड मध्ये दहशत माजवणारी “कोणे गँग” हद्दपार – कोल्हापूर पोलिसांची मोठी कारवाई!

इचलकरंजी कुरुंदवाड मध्ये दहशत माजवणारी “कोणे गँग” हद्दपार – कोल्हापूर पोलिसांची मोठी कारवाई!

इचलकरंजी, कुरुंदवाड (जि. कोल्हापूर) –

कोल्हापूर जिल्ह्यातील वाढत्या गुन्हेगारीला आळा घालण्यासाठी पोलिसांनी मोठी कारवाई करत “कोणे गँग” वर कठोर दणका दिला आहे. कुख्यात टोळीचा प्रमुख शुभंम संजय कोणे आणि त्याचे तीन साथीदार यांना सहा महिन्यांसाठी जिल्ह्यातून हद्दपार करण्यात आले आहे.

कोल्हापूर जिल्ह्यातील कायदा व सुव्यवस्था बिघडवणाऱ्या टोळ्यांविरोधात कठोर कारवाई करण्याचे आदेश पोलीस अधीक्षक महेंद्र पंडित यांनी दिले होते. त्यानुसार, इचलकरंजी व कुरुंदवाड परिसरात दहशत माजवणाऱ्या “कोणे गँग” विरुद्ध हद्दपारीची कारवाई करण्यात आलेले आरोपी शुभंम संजय कोणे (टोळी प्रमुख) – रा. चंदूर रोड,अर्जुन महेश निवाते – रा. दाते मळा,चैतन्य उर्फ गणेश जटाणा माळी – रा. जुना चंदूर रोड,विशाल नरसिंग जाधव – रा. लिंबू चौक, संत मळा, सर्व इचलकरंजी असे आहेत.

कुरुंदवाड पोलीस ठाण्याचे वरिष्ठ निरीक्षक यांनी महाराष्ट्र पोलीस अधिनियम १९५१ चे कलम ५५ अन्वये हद्दपारीचा प्रस्ताव सादर केला.गडहिंग्लज विभागाचे उपविभागीय पोलीस अधिकारी यांनी सखोल चौकशी करून अहवाल सादर केला.आरोपींना सुनावणीदरम्यान बाजू मांडण्याची संधी देण्यात आली.त्यांच्या गुन्हेगारी कृतींमुळे सामाजिक शांतता धोक्यात येत असल्याचे स्पष्ट झाल्यानंतर पोलीस अधीक्षक महेंद्र पंडित यांनी २९ जानेवारी २०२५ रोजी हद्दपारीचा अंतिम आदेश जारी केला.कुरुंदवाड पोलीस ठाण्याने त्वरित या आदेशाची अंमलबजावणी केली.