इंदिरा गांधी सामान्य रुग्णालयात जागतिक कॅन्सर दिन साजरा
इचलकरंजी:
कर्करोगाचा आजार हा सध्या अधिक पसरत असल्याचे दिसून येत आहे. याबाबत जनसामान्यात अधिकाधिक जागरुकता निर्माण व्हावी या पार्श्वभूमीवर आज इंदिरा गांधी सामान्य रुग्णालयाच्या बाह्यरुग्ण विभागात *जागतिक कॅन्सर दिन* साजरा करण्यात आला. यावेळी कार्यक्रमाची सुरवात उपस्थित मान्यवरांच्या हस्ते दीपप्रज्वलनाने करण्यात आली यावेळी कोल्हापूर कॅन्सर हॉस्पिटल च्या डॉ सानिया पठाण तसेच ॲपल कॅन्सर हॉस्पिटलच्या डॉ विदुला मिस्त्री यांनी या आजाराविषयी माहिती व मार्गदर्शन केले तसेच रुग्णालयाच्या वैद्यकीय अधिक्षक डॉ भाग्यरेखा पाटील मॅडम यांनी कर्करोग व कर्करोगाबाबत समाजामध्ये जनजागृतीची गरज आहे याबाबत आपले मनोगत व्यक्त केले. या कार्यक्रमास वैद्यकीय अधिकारी वर्ग 1 डॉ प्रकाश मोरे स्त्रीरोगतज्ञ डॉ क्रांती देशमुख दंतचिकित्सक डॉ प्रवीण पाटील रुग्णालयाच्या अधिसेविका श्रीम.चारुशिल्पा येमल मॅडम सहा.अधिसेवीका श्रीम.सीमा कदम मॅडम रुग्णालयीन कर्मचारी रुग्ण व नातेवाईक उपस्थित होते. कार्यक्रमाचे सूत्रसंचालन बाह्य रुग्ण विभागाच्या अधिपरिचारिका श्रीम सुवर्णा पाटील सिस्टर यांनी केले. बाह्यरुग्ण विभागाच्या परीसेवीका श्रीम रोहिणी चंदनशिवे यांनी या कायक्रमाचे आभार प्रदर्शन केले.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
