आयुक्त पल्लवी पाटील यांनी महानगरपालिका सभागृह अंतर्गत सजावट काम आणि मोठे तळे सुशोभीकरण कामाची पाहणी
इचलकरंजी
इचलकरंजी महानगरपालिकेच्या सभागृहाचे बांधकाम पूर्ण झालेले असुन सभागृहाचे अंतर्गत सजावटीचे काम सुरू करणेत आलेले आहे.
आयुक्त पल्लवी पाटील यांनी सभागृहाच्या कामाच्या ठिकाणी भेट देऊन पाहणी करून सदर काम गुणवत्तापुर्वक आणि मुदतीत पूर्ण करणेच्या तसेच या मजल्यावरील बैठक व्यवस्थेसाठीचा आराखडा तयार करणे च्या सुचना शहर अभियंता महेंद्र क्षिरसागर,अभियंता बाजी कांबळे आणि मक्तेदार प्रतिनिधी यांना दिल्या.
त्याचबरोबर महानगर पालिकेच्या वतीने अमृत योजनेतून सुरू असलेल्या मोठे तळे सुशोभीकरण कामाची पाहणी करून सदर काम सुरू होवून बराच कालावधी झालेची बाब निदर्शनास आलेने या कामाचे मक्तेदार यांना याकामी कोणती अडचण आहे का याची विचारणा करुन सदर काम इचलकरंजी शहराचा लौकिक आणि सौंदर्य वाढविणारे असल्याने सुशोभीकरणाचे काम तातडीने पूर्ण करण्याचे आदेश शहर अभियंता महेंद्र क्षिरसागर आणि संबंधित मक्तेदार यांना देवुन या कामाचे अनुषंगाने काही अडचण आल्यास थेट माझ्याशी संपर्क साधावा अशा सूचना दिल्या.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
