मोटरसायकल चोरी प्रकरणी दोन आरोपी अटकेत, पाच मोटरसायकली जप्त,१ लाखाचा मुद्देमाल हस्तगत
शहापूर:
शहापुर पोलीस ठाण्याच्या गुन्हे शोध पथकाने मोटरसायकल चोरीप्रकरणी मोठी कारवाई करत एका विधीसंघर्षग्रस्त बालकासह दोघा आरोपींना अटक केली आहे. त्यांच्या ताब्यातून एकूण पाच मोटरसायकली जप्त करण्यात आल्या असून, या वाहनांची एकूण किंमत सुमारे १ लाख रुपये आहे.
१२ फेब्रुवारी २०२५ रोजी रात्री ३ वाजेपासून सायंकाळी ६ वाजेपर्यंतच्या दरम्यान यड्राव गावाच्या हद्दीतील शरद कॉलेजच्या मागे, भाटले विटभट्टी परिसरातून काही मोटरसायकली चोरीस गेल्या होत्या. या प्रकरणी शहापुर पोलीस ठाण्यात गुन्हा नोंदवण्यात आला होता. तपासादरम्यान पोलीस अंमलदार आयुब गडकरी यांना गुप्त बातमीदारामार्फत माहिती मिळाली की, एक विधीसंघर्षग्रस्त बालक चोरीची मोटरसायकल वापरत आहे. संशय आल्याने पोलिसांनी त्याला ताब्यात घेऊन सखोल चौकशी केली असता त्याने चोरीची कबुली दिली,चौकशीत त्याने इचलकरंजी शहरात आणखी चार मोटरसायकली चोरी करून आपल्या मित्र युवराज श्रीकांत शिवशरण (वय २६, रा. शिवनाकवाडी) याच्याकडे विक्रीसाठी दिल्या आहेत. पोलिसांनी लगेच युवराजचा शोध घेऊन त्याला अटक केली आणि त्याच्याकडून चार मोटरसायकली हस्तगत केल्या.त्यामध्ये१) हिरो होंडा स्प्लेंडर (काळ्या रंगाची, नंबर नसलेली),२) सीडी १०० एसएस (काळ्या रंगाची, नंबर नसलेली),३) हिरो होंडा सीडी डॉन (काळ्या रंगाची, पुढील हेडलाईट नसलेली),४) आणखी दोन सीडी १०० एसएस (नंबर नसलेल्या) यांचा समावेश असून वरील कारवाई पोलीस अधीक्षक महेंद्र पंडीत, अप्पर पोलीस अधीक्षक निकेश खाटमोडे आणि उपविभागीय पोलीस अधिकारी समीरसिंह साळवे यांच्या मार्गदर्शनाखाली पोलीस निरीक्षक सचिन सूर्यवंशी आणि गुन्हे शोध पथकातील पोलीस अंमलदार अविनाश मुंगसे, असिफ कलायगार, रोहित डावाळे, आयुब गडकरी, महेश कोरे, शशिकांत ढोणे, होमगार्ड शेळके आणि इम्रान मुल्ला यांनी केली शहापुर पोलीस ठाण्यातील गुन्हा रजि. नं. ६४/२०२५ आणि शिवाजीनगर पोलीस ठाण्यातील दोन गुन्हे उघडकीस आले असून, पुढील तपास पोलीस हवालदार कोरे करीत आहेत.
