रोटरी क्लब, प्रोबस क्लब इचलकरंजी आयोजित जेष्ठ नागरिक स्नेहसंमेलनाचे दिनांक १८ मार्च रोजी आयोजन
इचलकरंजी :
येथील रोटरी क्लब ऑफ इचलकरंजी, प्रोबस क्लब ,प्रोबस महिला क्लब, इचलकरंजी ज्येष्ठ नागरिक संघ ,रोटरी ॲन्स यांच्या संयुक्त विद्यमाने मोठ्या प्रमाणात ‘ज्येष्ठ नागरिक स्नेहसंमेल’ (कोल्हापूर ,सांगली, सातारा, बेळगाव जिल्हा अंतर्गत) चे आयोजन मंगळवार दिनांक १८ मार्च २०२५ रोजी श्रीमंत ना. बा.घोरपडे नाट्यगृह, इचलकरंजी येथे आयोजन केले आहे .
समाजाच्या जडणघडणीमध्ये ज्येष्ठ नागरिकांचा सहभाग असतो या उद्देशाने या ज्येष्ठ नागरिक स्नेहसंमेलनाचे आयोजन केले आहे.या स्नेहसंमेलनामध्ये श्रेष्ठ व प्रतिभावंत अशा वक्त्यांचे विचार व मार्गदर्शन तसेच आनंदी व सुखी जीवन जगण्याचा मार्ग आदि विषयावर व्याख्याने व चर्चासत्र असा भरगच्च कार्यक्रम आयोजित केला आहे.
या स्नेहसंमेलनाचे उद्घाटन रो.शरद पै रोटरी डिस्टिक गव्हर्नर रोटरी प्रांत ३१७० यांच्या शुभहस्ते होणार असून इचलकरंजी महानगरपालिका आयुक्त मा.पल्लवी पाटील व रोटरीचे असिस्टंट गव्हर्नर रोटेरियन यतीराज भंडारी यांच्या प्रमुख उपस्थितीत होणार आहे .यावेळी डॉ.सॅम्युएल भंडारे (वैद्यकीय सेवेबद्दल )व श्री.अशोक जाधव (सामाजिक सेवेबद्दल )त्यांचा सत्कार करण्यात येणार आहे .
कार्यक्रमाच्या पहिल्या सत्रात डॉ. उदय निरगुडकर, मुंबई यांचे ‘वारी परतवारी’ या विषयावर व्याख्यान होईल .यानंतर सुनिता नाशिककर मुंबई ,निवृत्त पोलीस उपअधीक्षक यांचे’ ज्येष्ठांची सुरक्षा सायबर सुरक्षा,’ यावर मार्गदर्शन होईल .दुपारच्या सत्रात डॉ.अमर अडके ,कोल्हापूर यांचे सह्याद्रीच्या गिरी शिखरावर यावर व्याख्यान होईल .यानंतर श्री.संतोष धुमाळ व सहकलाकार यांचा संगीतमय कार्यक्रम व मिमिक्री होईल. .शेवटी रोटरी क्लब ऑफ इचलकरंजी ॲन्स आयोजित ‘जुने दिवस आठवूया’ हा कार्यक्रम होईल.यावेळी जेष्ठ नागरिक संघटनेच्या ऑल इंडिया कमिटीमध्ये निवड झाल्याबद्दल श्री. रामकुमार सावंत गुरुजी यांचा सत्कार करण्यात येणार आहे. समारोप समारंभा नंतर कार्यक्रमाची सांगता होईल. असा भरगच्च कार्यक्रम ज्येष्ठ नागरिकांच्या करता व सर्वाकरता आयोजित केला आहे.
दिवसभर चालणाऱ्या या स्नेहसंमेलनामध्ये चहा, नाश्ता ,जेवण देण्यात येणार आहे. प्रवेश फी नाममात्र १५०/-रुपये आहे. मर्यादित प्रवेश असल्याने कृपया प्रवेशिकाकरिता संपर्क रोटरी श्रीमती सोनीदेवी रामबिलास बाहेती सेवा केंद्र, दाते मळा, इचलकरंजी फोन नंबर( 0230-2420652) येथे संपर्क साधावा. तरी जेष्ठ नागरिक महिला, युवक, युवती सर्वांनी या स्नेहसंमेलनाचा लाभ घ्यावा असे आवाहन संयोजकांनी केले आहे.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
