आवाडे जनता बँकेच्या अथणी व हारुगेरी दोन नवीन शाखांचा शुभारंभ

आवाडे जनता बँकेच्या अथणी व हारुगेरी दोन नवीन शाखांचा शुभारंभ.

इचलकरंजी:
पश्‍चिम महाराष्ट्र आणि उत्तर कर्नाटक राज्यात सहकारी बँकींग क्षेत्रात अविरतपणे कार्यरत असलेल्या लोकाभिमुख मल्टिस्टेट शेड्युल्ड कल्लाप्पाण्णा आवाडे इचलकरंजी जनता सहकारी बँकेच्या कर्नाटक राज्यामधील अथणी व हारुगेरी या दोन नुतन शाखांचा शुभारंभ करण्यात आला आहे.
बँकेची 53 वी शाखा अथणी (जि. बेळगावी) येथे सुरु करण्यात आली असून या शाखेचा उद्घाटन सोहळा इचलकरंजीच्या माजी नगराध्यक्षा सौ. किशोरी आवाडे यांच्या हस्ते व मान्यवरांच्या उपस्थितीत संपन्न झाला. तर हारुगेरी (ता.रायबाग) येथील बँकेच्या 54 व्या शाखेचा शुभारंभ महाराष्ट्र राज्य बँक्स् फेडरेशनच्या उपाध्यक्षा सौ. वैशाली आवाडे यांच्या हस्ते संपन्न झाला. बँकेचे चेअरमन स्वप्निल आवाडे यांनी, बँकेचे संस्थापक चेअरमन कल्लाप्पाण्णा आवाडे यांच्या अथक परिश्रमातून, भिशीच्या माध्यमातून सुरु केलेल्या या बँकेचे आज कल्पवृक्षामध्ये रुपांतर झाले आहे. त्याला समाजाची सर्वतोपरी उन्नती, शासनाच्या नुतन संकल्पनांचा अवलंब करत बँकेची चौफेर प्रगती करण्यासाठी माजी वस्त्रोद्योग मंत्री प्रकाश आवाडे यांची अनमोल साथ लाभली. समाजातील विविध घटकांची उन्नती व अनेकविध उद्योगंद्यांना चालना देण्यासाठी पदोपदी कार्यरत व कटिबध्द असल्याचे सांगितले.
याप्रसंगी अथणी व हारुगेरी येथील प्रतिष्ठीत व्यापारी, उद्योजक, राजकीय व सामाजिक क्षेत्रातील मान्यवर बँकेचे व्हा. चेअरमन सीए संजयकुमार अनिगोळ, व्यवस्थापकीय मंडळाचे अध्यक्ष सीए चंद्रकांत चौगुले, संचालक सर्वश्री बंडोपंत लाड, महेश सातपुते, सुभाष जाधव, शैलेश गोरे, बाळकृष्ण पोवळे, श्रीशैल कित्तूरे, रमेश पाटील, अविनाश कांबळे, सचिन केस्ते, तात्यासो अथणे, बाबूराव पाटील, अ‍ॅड. सारंग जोशी, व्यवस्थापकीय संचालक अ‍ॅड. योगेश पाटील, राजू चव्हाण, सचिन देवरुखकर, मुख्य कार्यकारी अधिकारी संजय शिरगावे, जनरल मॅनेजर किरण पाटील व दिपक पाटील तसेच जवाहर कारखान्याचे संचालक शितल अमन्नावर, जिन्नूआण्णा खेमलापुरे तसेच बँकेचे अधिकारी व कर्मचारी उपस्थित होते.