अट्टल मोबाईल चोरट्यास अटक, चोरीचे ८ मोबाईल जप्त,आरोपी अटकेत
शहापूर:
शहापूर पोलीस ठाण्याच्या गुन्हे शोध पथकाने चोरीच्या मोबाईल प्रकरणात मोठी कारवाई करून रेकॉर्डवरील आरोपी नागेश हणमंत शिंदे (वय ३०, रा. लोकमान्य नगर, शहापूर) याला अटक केली आहे. या कारवाईत १.७० लाख रुपये किमतीचे ८ मोबाईल हॅण्डसेट जप्त करण्यात आले आहेत.
दि. २० मार्च २०२५ रोजी अवधूत नगर, शहापूर येथे रात्री ११:०० ते सकाळी ७:०० दरम्यान घराच्या टेरेसवरून मोबाईल चोरी झाल्याची तक्रार दाखल झाली होती. तपासादरम्यान, पोलिसांना गुप्त माहिती मिळाली आणि संशयित आरोपीला ताब्यात घेतले. चौकशीत त्याने चोरीची कबुली दिली. त्याच्याकडून अ‍ॅपल, विवो, ओपो, रिअलमी आणि सॅमसंग या कंपन्यांचे मोबाईल हस्तगत करण्यात आले. विशेष म्हणजे, यापूर्वी त्याच्यावर १०३ चोरीचे गुन्हे दाखल आहेत.
ही कारवाई पोलीस अधीक्षक महेंद्र पंडीत, अप्पर पोलीस अधीक्षक निकेश खाटमोडे, उपविभागीय पोलीस अधिकारी समीरसिंह साळवे यांच्या मार्गदर्शनाखाली पोलीस निरीक्षक सचिन सूर्यवंशी व त्यांच्या पथकाने केली. पुढील तपास शहापूर पोलीस करत आहेत.
मोबाईल चोरीप्रकरणी जप्त केलेले मोबाईल व आरोपीसह शहापूर पोलीस
