शशांक बावचकर यांची सिंधुदुर्ग जिल्हा काँग्रेस निरीक्षक पदी निवड
इचलकरंजी:
सिंधुदुर्ग जिल्हा काँग्रेस पक्षाचा आढावा घेण्यासाठी महाराष्ट्र प्रदेश काँग्रेस कमिटीचे सचिव श्री शशांक बावचकर यांची सिंधुदुर्ग जिल्हा काँग्रेस निरीक्षक पदी नियुक्ती करण्यात आली आहे. सदर नियुक्तीचे पत्र महाराष्ट्र प्रदेश काँग्रेसचे अध्यक्ष हर्षवर्धन सपकाळ यांचे सुचने नुसार पाठविले आहे. माननीय हर्षवर्धन सपकाळ यांची महाराष्ट्र प्रदेश काँग्रेस अध्यक्षपदी नियुक्ती झाल्यानंतर ते राज्यातील सर्वच जिल्ह्याचा पक्ष कामाचा आढावा घेत असून त्यांच्या सूचनेनुसार सिंधुदुर्ग जिल्ह्याच्या निरीक्षक पदी शशांक बावचकर यांची नियुक्ती करण्यात आली आहे. सिंधुदुर्ग येथील तालुकाध्यक्ष, नेतेमंडळी, पदाधिकारी व कार्यकर्त्यांशी चर्चा करून जिल्ह्यामध्ये संघटना बळकटीसाठी नेमके काय करणे आवश्यक आहे याचा अहवाल पंधरा दिवसात द्यावा असेही नियुक्ती पत्रात म्हटले आहे. जिल्ह्याच्या पक्ष प्रभारीना सोबत घेऊन त्यांनाही दौऱ्यात सहभागी करून घ्यावे अशाही सूचना प्रदेश काँग्रेसने दिलेले आहेत. सिंधुदुर्ग जिल्हा हा तळ कोकणातील महत्त्वाचा जिल्हा असून या ठिकाणी काँग्रेस पक्षाची परिस्थिती सुधारणे आवश्यक आहे याचा विचार करून प्रदेश काँग्रेसने प्रभारी म्हणून काम केलेल्या शशांक बावचकर यांच्यावर महत्त्वाची जबाबदारी देण्यात आली आहे. यास अनुसरून सात ते नऊ एप्रिल रोजी सिंधुदुर्ग जिल्ह्यातील आठही तालुक्यांना भेट देऊन व बैठका घेऊन पक्ष संघटना बळकट करणेवर भर देणार असलेचे शशांक बावचकर यांनी सांगितले.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
