पंचगंगा नदी पात्रासह शहापूर खण येथील जलपर्णी काढणेचे काम महानगरपालिका प्रशासनाकडून सुरू

इचलकरंजी

   इचलकरंजी शहरास पंचगंगा नदी मधुन पाणी पुरवठा करणेत येतो. गेल्या काही दिवसांपासून पंचगंगा नदी पात्रामध्ये जलपर्णी वाहुन आल्याचे निदर्शनास आलेने आणि सद्यःस्थितीत उन्हाळा सुरू असल्याने पंचगंगा नदीची पाणी पातळी सातत्याने कमी होत असते. पंचगंगा नदी पात्रामधील जलपर्णी महानगरपालिका प्रशासन आणि शहरातील काही सामाजिक – स्वयंसेवी संस्था आणि नागरीक यांच्या सहभागातून नियमितपणे काढणेत येत असते.

  या जलपर्णी मुळे इचलकरंजी शहराच्या पाणी पुरवठ्यावर परिणाम होण्याची शक्यता असल्याने महानगर पालिका आयुक्त तथा प्रशासक पल्लवी पाटील यांनी पंचगंगा नदी पात्रामध्ये असलेली जलपर्णी त्याचबरोबर शहरातील शहापूर खाणीमध्ये सुद्धा जलपर्णी वाढल्याचे निदर्शनास आलेने या दोन्ही ठिकाणची जलपर्णी तातडीने काढणेचे निर्देश अतिरिक्त आयुक्त सुषमा शिंदे व उपायुक्त अशोक कुंभार आणि वैद्यकीय आरोग्य अधिकारी डॉ सुनिलदत्त संगेवार यांना दिले होते.

     आयुक्त तथा प्रशासक यांचे निर्देशानुसार  आज शुक्रवार दि.१८ एप्रिल पासून जे सी. बी. मशीनच्या सहाय्याने महानगर पालिका आरोग्य विभाग, आपत्ती व्यवस्थापन विभाग यांचेकडून या दोन्ही ठिकाणची जलपर्णी काढणेचे काम सुरू केले आहे.

     वैद्यकीय आरोग्य अधिकारी डॉ. सुनिलदत्त संगेवार यांच्या मार्गदर्शनाखाली मुख्य स्वच्छता निरीक्षक रफिक पेंढारी, महादेव मिसाळ, विजय पाटील, आपत्ती व्यवस्थापनचे संजय कांबळे, स्वच्छता निरीक्षक करण लाखे विशाल आवळे आणि मुकादम अनिल कांबळे, इस्त्रायल साठे यासाठी आरोग्य सारण विभागाचे एकूण ३० कर्मचारी तसेच इतर वार्ड मधील २५ सफाई कर्मचारी

सहभागी झाले होते.

       यापुढे अजून काही दिवस जलपर्णी काढणेचे काम सुरू राहणार असून पंचगंगा नदी आणि शहापूर खाणीमधील जलपर्णीचा

समुळ नाश करणे साठी अन्य काही पर्याय उपलब्ध आहेत का याची चाचपणी करणे च्या सुचना आयुक्त तथा प्रशासक पल्लवी पाटील यांनी पाणी पुरवठा आणि आरोग्य विभागास दिलेल्या आहेत.