राज्याच्या कायाकल्प पथकाकडून इचलकरंजी येथील इंदिरा गांधी सामान्य रुग्णालयाची पाहणी.
इचलकरंजी
इचलकरंजीतील इंदिरा गांधी सामान्य रुग्णालय हे हातकणंगले,शिरोळ तालुका व कर्नाटक परिसरातील नागरिकांसाठी आधारवड बनत आहे. सध्या या रुग्णालयाची वाटचाल ही आधुनिकते सुरू आहे गेली २९ वर्ष हे रुग्णालय इचलकरंजी च्या परिसरातील नागरिकांना आरोग्य सेवा देण्याचे काम अविरतपणे करत आहे.
याच पार्श्वभूमीवर राज्याच्या कायाकल्प पथकाने इचलकरंजी नगरीतील नागरिकांना आरोग्य सेवा देत असलेल्या इंदिरा गांधी सामान्य रुग्णालयास भेट देऊन रुग्णालयाची पाहणी केली. यावेळी रुग्णालयातील बाह्यरुग्ण विभागातील स्त्री रोग विभागाची पाहणी करून तेथील असलेल्या व्यवस्थापन व गरोदर मातांच्या तपासणी व सेवा सुविधांची माहिती घेतली.रुग्णालयात असलेल्या प्रसूती विभाग, शस्त्रक्रिया विभाग, डायलेसिस विभाग तसेच रुग्णालयातील कार्यरत असणाऱ्या विभागांची पाहणी करून तेथील कामकाजाचा आढावा घेतला. या घेतलेल्या आढावा नंतर कायाकल्प पथकाने सुरू असणाऱ्या आरोग्य सेवेबाबत समाधान व्यक्त केले व आरोग्य सेवेच्या बाबतीत मार्गदर्शक सूचना केल्या.
यावेळी क्वालिटी अडव्हायजर डॉ सना अमरीन मॅडम ,पुणे येथील थेरगाव हॉस्पिटलच्या वैद्यकीय अधिकारी डॉ.संध्या बोईर मॅडम,प्रोग्रॅम मॅनेजर डॉ.प्रियांका साबळे मॅडम तसेच रुग्णालयाच्या वैद्यकीय अधिक्षक डॉ.भाग्यरेखा पाटील मॅडम निवासी वैद्यकीय अधिकारी डॉ.अमित सोहनी सर,शरीर विकृती शास्त्रज्ञ डॉ.प्रकाश मोरे सर रुग्णालयाच्या अधिसेविका सहा.अधिसेविका रुग्णालयातील सर्व विभागाच्या परिसेविका अधिपरिसेविका, कार्यालयीन अधिकारी व रुग्णालयीन कर्मचारी उपस्थित होते.
फोटो-कायाकल्प पथकाने इंदिरा गांधी सामान्य रुग्णालयास भेट दिली.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
