१२ तासांत घरफोडी प्रकरणातील आरोपी गजाआड – शिवाजीनगर पोलीसांची यशस्वी कारवाई

इचलकरंजी

शिवाजीनगर पोलीस ठाणे, इचलकरंजी येथील गुन्हे शोध पथकाने एका घरफोडीच्या गुन्ह्यातील आरोपीला अवघ्या १२ तासांत अटक करत २,०१,५००/- रुपयांचा मुद्देमाल हस्तगत केला आहे.

याबाबत ०५/०५/२०२५ रोजी दुपारी १५.०० वाजता ते ०६/०५/२०२५ रोजी सायंकाळी २०.०० वाजेच्या दरम्यान, ज्ञानेश्वर गल्ली, इचलकरंजी येथे ओंकार शिवानंद डोंगरे यांच्या घरी कोणीही नसल्याचे पाहून अज्ञात चोरट्याने उघड्या दरवाजातून घरात प्रवेश करून कपाटातून २,१०,०००/- रुपये किमतीचे सोन्याचे मंगळसूत्र व रोख रक्कम चोरी केली होती. याप्रकरणी शिवाजीनगर पोलीस ठाण्यात गुन्हा दाखल करण्यात आला होता.

शिवाजीनगर पोलीस ठाण्याच्या गुन्हे शोध पथकाला गुप्त बातमीदारामार्फत माहिती मिळाली की, या गुन्ह्यातील संशयित आरोपी ऋषीकेश मल्लीकार्जुन सपली (वय २५, रा. बंडगर माळ, ज्ञानेश्वर गल्ली, इचलकरंजी) चोरीचे दागिने विक्रीसाठी येणार आहे.

त्यानुसार पोलीस निरीक्षक सचिन पाटील यांच्या मार्गदर्शनाखाली पो.उ.नि. प्रविण साने व त्यांच्या पथकाने सापळा रचून आरोपीला ताब्यात घेतले. चौकशीत त्याने गुन्ह्याची कबुली दिली असून, त्याच्याकडून सोन्याचे मंगळसूत्र व रोख रक्कम असा एकूण २,०१,५००/- रुपयांचा मुद्देमाल जप्त करण्यात आला आहे.

ही कामगिरी मा. पोलीस अधीक्षक श्री. महेंद्र पंडीत,

मा. अपर पोलीस अधीक्षक श्री. निकेश खाटमोडे पाटील,

मा. उपविभागीय पोलीस अधिकारी श्री. समिरसिंह साळवे यांच्या मार्गदर्शनाखाली पो.नि. सचिन पाटील, पो.उ.नि. प्रविण साने, पो.अं. सुकुमार बरगाले, अरविंद माने, सुनील बाईत, पवन गुरव, सतीश कुंभार, विजय माळवदे, मोहसिन पठाण, अविनाश भोसले यांनी केली.आरोपीविरुद्ध यापूर्वीही एक गुन्हा दाखल आहे.