श्रीगणेश मूर्ती विसर्जन मिरवणूक मार्गासह पंचगंगा नदी घाट परिसराची तातडीने स्वच्छता- ओमप्रकाश दिवटे
इचलकरंजी शहरात सार्वजनिक गणेशोत्सव मोठ्या उत्साहात साजरा करणेत येतो. मंगळवार दि.१७ सप्टेंबर रोजी अनंत चतुर्दशी दिवशी शहरातील सार्वजनिक गणेश मंडळांच्या गणेश मूर्तींचे पंचगंगा नदी तसेच शहापूर खण येथे विसर्जित करणेत येते.
गणेश मूर्ती विसर्जनाचे वेळी सार्वजनिक गणेश मंडळाकडून गणेश मूर्तींची मोठ्या उत्साहात आकर्षक मिरवणूक काढण्यात येतात.
त्यामुळे शहरातील मुख्य रस्त्यावर सदर मिरवणुक पाहण्यासाठी मोठ्या संख्येने नागरिक सहकुटुंब उपस्थित होत असल्याने मोठ्या प्रमाणात गर्दी होवुन सर्वत्र कचरा निर्माण होत असतो.
सदर बाब निदर्शनास आलेने अनंत चतुर्दशीच्या दुसऱ्या दिवशी शहरातील मुख्य मार्गासह पंचगंगा नदी घाट परिसराची स्वच्छता तातडीने करणेचे आदेश आयुक्त तथा प्रशासक ओमप्रकाश दिवटे यांनी यापूर्वीच आरोग्य विभागास दिले होते.
या आदेशानुसार आज बुधवार दि.१८ सप्टेंबर रोजी पहाटे ५ वाजले पासून आरोग्य विभागाच्या जवळपास ५०० कर्मचाऱ्यांनी शहरातील मुख्य रस्त्यासह पंचगंगा नदी घाट परिसराची स्वच्छता करून जवळपास ८ टन निर्माल्य आणि ४ टन कचरा गोळा केला.
आयुक्त तथा प्रशासक ओमप्रकाश दिवटे यांनी सकाळी या सर्व परिसरामध्ये भेट पाहणी केली आणि अधिकारी कर्मचारी यांना आवश्यक त्या सूचना दिल्या.
या प्रसंगी शहरातील रोटरी क्लब ऑफ इचलकरंजी सेंट्रल परिवारातर्फे महानगरपालिका आरोग्य विभागाकडील सफाई कामगारांसाठी अल्पोपहाराची
सुविधा उपलब्ध करून देणेत आलेली होती.
यावेळी रोटरी क्लब ऑफ इचलकरंजी सेंट्रल चे सदस्य तसेच स्वच्छता निरीक्षक विजय पाटील,करण लाखे यांचेसह स्वच्छता निरीक्षक, आरोग्य कर्मचारी उपस्थित होते.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
