शिवसेना शिंदे गटाची राहुल गांधीं विरोधात निदर्शने

 इचलकरंजी:

 आरक्षणे संपवण्या बाबत  राहुल गांधी यांनी केलेले विधान व मुख्यमंत्री माझी लाडकी बहीण योजना’ बंद करू असे वक्तव्य करणार्‍या  सुनील केदार यांच्या निषेधार्थ इचलकरंजी येथे महात्मा गांधी चौकात शिवसेना (शिंदे गट) यांच्या वतीने निदर्शने करण्यात आली. यावेळी राहुल गांधी व सुनिल केदार यांच्या फलकास जोडे मारून निषेध व्यक्त केला.

काँग्रेस नेते राहुल गांधी यांनी अमेरिकेतील एका मुलाखतीत आरक्षण संपवण्याची भूमिका मांडली होती. असे  विधान करण्यापूर्वी  राहुल गांधी यांनी अनुसूचित जातीजमातींच्या वस्त्यांमध्ये जाऊन तेथील खरी परिस्थिती पहावी. काँग्रेस पक्षाच्या सरकारने देशातील जातिभेदाची दरी मिटू दिली नाही. यावरून काँग्रेसच संविधांनाचे खरे शत्रू  असल्याचा आरोप शिवसेना (शिंदे गट) च्या वतीने करण्यात आला. तर सत्तेत आल्यास ‘मुख्यमंत्री माझी लाडकी बहीण योजना’ बंद करू,” असे वक्तव्य करणार्‍या काँग्रेसच्या सुनील केदार यांच्याविरोधात लाडक्या बहिणीचा सावत्र भाऊ आमचे पैसे नका खाऊ अशा  घोषणा देण्यात आल्या. आंदोलनात वैशाली डोंगरे, सलोनी शिंत्रे, स्नेहांकित भंडारी, शकुंतला पाटील, चित्रा दुधाने, सरिता पांडव, दीप्ती लोकरे, मीना भिसे,  भाऊसाहेब आवळे, रवींद्र लोहार, इकबाल कलावंत,  अमरसिंह माने, यांच्यासह शिवसेनेचे कार्यकर्ते  सहभागी  होते.