महानगरपालिकेच्या वतीने चारही झोन मध्ये  महास्वच्छता अभियान संपन्न

इचलकरंजी

इचलकरंजी महानगरपालिकेच्या वतीने आरोग्य विभागा अंतर्गत शहरातील ए बी सी डी झोनमधील सर्व सफाई कर्मचाऱ्यांच्या कडून प्रत्येक झोनमध्ये आठवड्यातील शुक्रवारी सकाळी दहा ते एक वाजेपर्यंत महास्वच्छता अभियान राबविण्यात येते. शहरातील चारही झोन मधील विविध भागामध्ये स्वच्छता अभियान राबवून साफ सफाई व कचरा उठाव करून घेण्यासाठी आरोग्य विभागाकडून नियोजन करण्यात आलेले आहे.

या अनुषंगाने आज शुक्रवार दि.१४ फेब्रुवारी रोजी शहरातील *A*  झोनमधील  चांदणी चौक ते पद्मा लॉन्ड्री, डांगरे गल्ली परिसर, फळ मार्केट ते पद्मा लॉन्ड्री, लायकर गल्ली परिसर, धान्य ओळ परिसर, *B* झोन मधील डॉ. काजवे हॉस्पिटल ते गोकुळ चौक, डॉ. ढवळे हॉस्पिटल ते अल्ताफ चिकन दुकान, आरेकर मैदान परिसर, डॉ. शिखरे हॉस्पिटल ते डी.बी. कॉर्नर , आण्णा रामगोंडा शाळा परिसर, बोनगे गल्ली, मोरबाळे गल्ली, वखार गल्ली परिसर, शिरोळे गल्ली, पटवा गल्ली, शिवेचा मारुती तालीम परिसर, *C* झोन मधील गणपती रोड,  मासाळ गल्ली, ज्योतिबा मंदिर परिसर, कुंभार गल्ली, काजवे गल्ली, फडतारे गल्ली, बागवान गल्ली, सोमनाथ किराणा  स्टोअर्स, शास्त्री सोसायटी परिसर, आदर्श झोपडपट्टी, डोंडगे गल्ली, शिवमंदिर,सायझिंग परिसर, वडर झोपडपट्टी, मुळीक गल्ली,कोरवी गल्ली त्याचबरोबर *D* झोन मधील लाल नगर लेडीज शौचालय परिसर, नारायण नगर परिसर, पोलीस क्वार्टर्स उत्तर बाजू, पोलीस क्वार्टर्स दक्षिण बाजू, आवळे गल्ली या ठिकाणी

जवळपास ४५० सफाई कर्मचाऱ्यांनी कडून  चारही झोन मध्ये आज स्वच्छता अभियान राबविण्यात आले आहे.

  उपायुक्त स्मृती पाटील आणि आरोग्य अधिकारी डॉ सुनिलदत्त संगेवार यांच्या मार्गदर्शनानुसार सर्व मुख्य स्वच्छता निरीक्षक, स्वच्छता निरीक्षक , सर्व वॉर्ड ऑफिसर तसेच मुकादम यांनी आजच्या महास्वच्छता अभियानात सहभाग घेतला.

  नुतन आयुक्त पल्लवी पाटील यांनी आरोग्य विभागाच्या बैठकीमध्ये आजच्या स्वच्छता अभियानाची माहिती घेतली आणि याचप्रमाणे  संपूर्ण शहरात स्वच्छता अभियान  राबविण्याच्या सुचना दिल्या.