श्री आदिनाथ बँकेस १ कोटी ५२ लाख रूपयेचा नफा -चेअरमन सुभाष काडाप्पा

इचलकरंजी

दि. ३१ मार्च २०२५ रोजी संपलेल्या आर्थिक वर्षामध्ये बँकेकडे रु १७३ कोटी २७ लाखाच्या ठेवी व रु १०० कोटी ६४ लाख कर्जे आहेत. सन २०२४-२५ या वर्षाअखेर बँकेकडील नेट एनपीए चे प्रमाण ०% इतके आहे. बँकेला या आर्थिक वर्षामध्ये १ कोटी ५२ लाख इतका ढोबळ नफा झाला आहे

      चेअरमन श्री. सुभाष काडाप्पा यांनी मनोगतामध्ये ३१ मार्च २०२५ अखेर बँकेचा एनपीए ०% असल्याने कर्ज वसुलीत सभासदांनी केलेल्या सहकार्याबद्दल समाधान व्यक्त केले. रिझर्व्ह बँकेच्या तत्वानुसार बँकेचा सीआरएआर ९% पेक्षा जास्त असल्यास ती बँक सक्षम समजली जाते आपल्या बँकेचे सीआरएआर चे प्रमाण १६.७२% इतके असल्याने ही आम्हा सर्वांसाठी निश्चितच अभिमानास्पद बाब आहे.

     सध्याचे युग हे अतिशय वेगवान व तंत्रज्ञानाचा वापर करणारे आहे ‘डिझीटल बँकीग’ मध्ये व्यवहार घरबसल्या व आपल्या सोईनुसार होत असल्याने ग्राहकांचा कल त्याकडे दिसून येत असल्याने आम्ही ग्राहकांना युपीआय / क्यूआरकोड पेमेंट सुविधा, मोबाईल बँकींग, ई-मेल सुविधा दिलेल्या आहेत. ईसीएस, सीटीएस विलअरींग, पॉझ, एटीएम तसेच बँकेची अत्याधुनिक वेबसाईट इ. सुविधांचा लाभ ग्राहक घेत असून एकूणच बँकेच्या सेवेबद्दल ग्राहक समाधान व्यक्त करत आहेत. सध्याची आव्हानात्मक बाब असलेल्या सायबर सेक्युिरिटीचे सर्व निकष व मापदंड पाळणेची दक्षता बँकेने घेतली आहे.

    सहकारातील आमचे मार्गदर्शक मा. कल्लाप्पाण्णा आवाडे (दादा) व मा. मंत्री प्रकाशराव आवाडे (आण्णा) यांचे नेहमीच बहुमोल मार्गदर्शन लाभत असून मा. स्वप्नीलजी आवाडे व युवानेते आमदार डॉ. राहुलजी आवाडे यांचेही सहकार्य लाभलेले आहे या सर्वांचे मी विशेष आभार मानतो

    माझ्या सर्व सहकारी संचालकांनी कोणताही निर्णय हा बँकेच्या हिताच्या दृष्टीने व बँक सक्षम होण्याच्या दृष्टीने घेतलेला आहे. बँकेकडे होणारा कोणताही खर्च हा नेहमी योग्य कारणासाठी व्हावा यासाठी आम्ही प्रयत्नशील आहोत. बँकेचे सर्व भागधारक, ग्राहक, ठेवीदार यांनी बँकेवरती दाखविलेल्या विश्वासामुळे बँकेने प्रगती साधलेली आहे. त्यांचेही मी मनापासून आभार मानतो.

    यावेळी बँकेचे व्हा. चेअरमन श्री. बाळासो पा. चौगुले, तसेच ज्येष्ठ संचालक श्री कुंतिलालजी पाटणी, अभयकुमार मगदूम, मधुकर मणेरे, चंद्रकांत मगदूम, सुदर्शन खोत, श्रेणिक मगदूम, अनिल बम्मण्णावर, संपत कांबळे, गुरूनाथ हेरवाडे, सुकुमार पोते, सीए-सुचित हेरवाडे तसेच संचालिका सौ. मंगल देवमोरे, सौ. अनिता चौगुले, त्याचप्रमाणे बीओएम सदस्य सीए-उमेश कोळी, सतीश मगदूम, अॅड, पवनकुमार उपाध्ये व सी.ई.ओ. श्री. जे. बी. चौगुले उपस्थित होते.