मोटारसायकल चोरीप्रकरणी तिघे अटकेत; १४ मोटारसायकलींसह ८ लाखांचा मुद्देमाल जप्त
इचलकरंजी
कोल्हापूर जिल्ह्यात वाढत्या मोटारसायकल चोरीच्या घटना लक्षात घेता पोलीस अधीक्षक महेंद्र पंडित यांनी स्थानिक गुन्हे शाखेला विशेष मोहीम राबविण्याच्या सूचना दिल्या होत्या. त्या अनुषंगाने एलसीबीचे पोलीस निरीक्षक रविंद्र कळमकर यांच्या मार्गदर्शनाखाली एक पथक तयार करण्यात आले.
या पथकाने मिळालेल्या गोपनीय माहितीच्या आधारे 5 एप्रिल 2025 रोजी कागल एस.टी. डेपो येथे सापळा रचून तीन संशयितांना अटक केली. अटक आरोपींमध्ये अक्षय राजू शेलार (वय २४, रा. लिगाडे मळा, इचलकरंजी – सध्या रा. बेघर वसाहत, शाहूनगर, कागल), विनायक बाळू गवळी (वय २२, रा. शाहूनगर, कागल), व चंद्रदीप गाडेकर (वय २३, रा. संत रोहिदास चौक, कागल – सध्या रा. चांभारखडी, कागल) यांचा समावेश आहे.
त्यांच्याकडून घटनास्थळी तीन मोटारसायकली जप्त करण्यात आल्या. चौकशीदरम्यान त्यांनी इचलकरंजी, कबनूर, कागल, गोकुळ शिरगाव, इस्पुर्ती, कुरुंदवाड, निपाणी (कर्नाटक) येथून वाहन चोरी केल्याची कबुली दिली.
एकूण १४ मोटारसायकली (किंमत सुमारे ८ लाख रुपये) हस्तगत करण्यात आल्या असून, या तपासातून शिवाजीनगर, कागल, गोकुळ शिरगाव, इस्पुर्ती, कुरुंदवाड, निपाणी व बसवेश्वर या पोलीस ठाण्यांमधील १० चोरीचे गुन्हे उघडकीस आले आहेत.
ही कारवाई पोलीस अधीक्षक महेंद्र पंडित, अपर पोलीस अधीक्षक निकेश खाटमोडे-पाटील व डॉ. बी. धीरज यांच्या मार्गदर्शनाखाली स्थानिक गुन्हे शाखा कोल्हापूरच्या पथकाने केली. पुढील तपास शिवाजीनगर पोलीस ठाणे करत आहे.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
