पंचकल्याणक महोत्सवात जन्माभिषेक सोहळा उत्साहात.

इचलकरंजी:

येथे सुरू असलेल्या पंचकल्याण प्रतिष्ठा महोत्सवात तिसऱ्या दिवशी तीर्थंकरांचा  जन्माभिषेक  सोहळा मोठ्या उत्साहाने संपन्न झाला. जन्माभिषेक निमित्ताने  मूर्तीवर १०८ कलशाने अभिषेक करण्यात आला.

    येथील दिगंबर जैन बोर्डिंग च्या आवारात सुरू असलेल्या पंचकल्यानिक महोत्सवात शुक्रवारी जन्मा अभिषेक सोहळ्याच्या निमित्ताने विविध कार्यक्रम पार पडले. सकाळी विश्वशांती महायज्ञ लघुशांतीक असे धार्मिक कार्यक्रम पार पडल्यानंतर परिसरातून भव्य जलकुंभ मिरवणूक काढण्यात आली. त्यानंतर आठ वाजता प्रभूचा जन्मकाळ सोहळा पार पडला. यानिमित्ताने आकारसिद्धी, जन्मकल्याण संस्कार, पंचामृत अभिषेक, शांतीधारा असे धार्मिक विधी संपन्न झाले. सकाळी मंदिरात नव्याने प्रतिष्ठापना करण्यात येणाऱ्या नूतन प्रतिमेवर १०८ कलशानी अभिषेक करण्यात आला. आकारसिद्धीसाठी करण्यात आलेल्या अभिषेक वेळी विविध औषधी कलशांचा यामध्ये समावेश होता. दुपारी झालेल्या धर्म सभेमध्ये आचार्य श्रींचे व्याख्यान पार पडले.

    त्यानंतर जन्माविषयक सोहळा मोठ्या उत्साहाने संपन्न झाला. यानिमित्त पांडुक शिलेवर प्रभुंचा जन्माभिषेक निमित्त १०८ कलशाने अभिषेक करण्यात आला. या अभिषेक नंतर हत्तीवरून जीन बालकांची मिरवणूक काढण्यात आली .यावेळी हत्तीवर बसण्याचा मान जिवंधर भोकरे (रुकडी) यांना मिळाला. दिगंबर जैन बोर्डिंग परिसरातून मुख्य रस्त्याने ही मिरवणूक मुख्य सभा मंडपात आली.

सायंकाळी नामकरण व पालकांरोहण सोहळा पार पडला. त्यानंतर बाल क्रीडा कार्यक्रमात तीर्थंकर बालकाबरोबर विविध खेळ यावेळी सादर करण्यात आले. वरील सर्व धार्मिक कार्यक्रम आचार्यत्न बाहुबली मुनी महाराज यांचे परमशिष्य आचार्य १०८ श्री जीनसेन मुनी महाराज व क्षुल्लकरत्न परमपूज्य श्री १०५ समर्पण सागर महाराज यांच्या पावन सानिध्यामध्ये व प्रतिष्ठाचार्य  पंडित डॉ. सम्मेद उपाध्ये यांच्या मार्गदर्शनाखाली पार पडले.

—-

 आज राज्याभिषेक व दीक्षा कल्याण सोहळा

 पंचकल्याण महोत्सवाच्या चौथ्या दिवशी शनिवारी सकाळी पंचामृत अभिषेक, विश्वशांती महायज्ञ हा कार्यक्रम होईल. दुपारी भव्य राज्याभिषेक सोहळा आयोजित करण्यात आला आहे. यासाठी भव्य असे राजमहल प्रतिकृती तयार करण्यात येणार आहे. त्यानंतर दीक्षा कल्याणक सोहळा पार पडेल.