हर घर तिरंगा उपक्रमा अंतर्गत इचलकरंजी महानगर पालिकेच्या वतीने ‘तिरंगा दौड’ संपन्न
इचलकरंजी
स्वातंत्र्याच्या अमृत महोत्सवी वर्षापासुन देशभरात सुरु करण्यात आलेले ‘हर घर तिरंगा’ अभियान स्वातंत्र्यदिनाचे पार्श्वभूमीवर मोठया उत्साहात राबविणेबाबत शासन स्तरावरुन निर्देश देण्यात आलेले आहेत. सदरचे अभियान दिनांक ९ ऑगष्ट ते १५ ऑगष्ट २०२४ या कालावधीमध्ये राबविण्यात येय असून या अंतर्गत दिनांक १३,१४ व १५ ऑगष्ट २०२४ या दिवशी शहरातील सर्व मिळकतीवर (शासकीय/निमशासकीय कार्यालय, खाजगी आस्थापना, सर्व शालेय संस्था व इतर घरे) राष्ट्रध्वज फडकविणेत येणार आहे.
या अभियानाच्या जनजागृती निमित्त महानगर पालिका स्तरावरुन विविध उपक्रम राबविणेत येत असुन याचाच एक भाग म्हणून *मा.आयुक्त तथा प्रशासक ओमप्रकाश दिवटे,* सौ.निलीमा दिवटे ,उपायुक्त प्रसाद काटकर, उपायुक्त सोमनाथ आढाव यांच्या प्रमुख उपस्थितीत आज बुधवार दि. १४ ऑगष्ट रोजी *’तिरंगा दौड’* (मॅरेथॉन) आयोजित करणेत आलेली होती. यामध्ये राष्ट्रध्वज समर्पित राष्ट्रभक्तीच्या भावनेने शहरामध्ये तिरंगा हातात घेवुन ‘तिरंगा दौड’ मध्ये रिंगण फिटनेस फाउंडेशन, आर बी सी ग्रुप, मॉर्निंग ग्रुप, टीम भरत, आय ॲम फिट क्लबचे सदस्य तसेच विविध शासकीय कार्यालयाचे अधिकारी कर्मचारी, विविध क्षेत्रातील नामवंत, क्रीडा क्षेत्रातील खेळाडु, शहरातील सर्व शालेय/महाविद्यालयीन स्तरावरील विदयार्थी, एन.सी.सी विद्यार्थी यांचेसह मुख्य लेखा व वित्त अधिकारी विकास खोळपे, सहा. आयुक्त केतन गुजर, महावितरणचे कार्यकारी अभियंता प्रशांत राठी,आरोग्य अधिकारी डॉ. सुनिलदत्त संगेवार, मुख्याध्यापक शंकर पोवार, माजी नगरसेवक प्रा.शेखर शहा, संतोष शेळके, क्रीडा अधिकारी संजय शेटे, सहा क्रीडा अधिकारी संजय कांबळे,खरेदी पर्यवेक्षक शितल पाटील, महेश शेळके, सचिन खोंद्रे आदि उपस्थित होते.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
