कृष्णा नदी पाणीपुरवठा योजना मजरेवाडी जॅकवेल ते जल शुद्धीकरण केंद्र दाबनलिका बदलण्याचे काम विहित मुदतीत पूर्ण करावे :-आयुक्त तथा प्रशासक ओमप्रकाश दिवटे

इचलकरंजी:

महाराष्ट्र सुवर्ण जयंती नगरोत्थान महाभियान (राज्यस्तर) सन २०२२-२३ अंतर्गत मजरेवाडी जॅकवेल ते जलशुद्धीकरण केंद्र पर्यंतची दाबनलिका बदलणे हे काम  मे. इलेकॉन एनर्जी सोल्युशन प्रा.ली. जे. व्ही. सह एम.डी. इन्फ्रास्ट्रक्चर, नवी मुंबई यांचेमार्फत मजरेवाडी जॅकवेल ते जल शुद्धीकरण केंद्र यापैकी महानगरपालिका क्षेत्रातील काळा ओढा ते जलशुद्धीकरण केंद्रापर्यंतची दाबनलिका बदलणेचे काम  सुरू आहे. त्यामध्ये सद्यस्थितीत औद्योगिक सांडपाणी प्रक्रिया केंद्र ते थोरात चौक या मार्गामध्ये रस्ता खुदाई करून पाईप लाईन टाकणेत आलेली आहे. सदर ठिकाणी खुदाई करणेत आलेला भू-भाग हा काळ्या मातीचा असलेने रस्त्यावर काळी माती आजूबाजूला पसरल्याने सदर ठिकाणी पावसाचे पाण्याने चिखल होवून गाड्या घसरून अपघात घडत असले बाबतच्या अनेक तक्रारी महानगरपालिकेस प्राप्त होत असल्याने आयुक्त तथा प्रशासक ओमप्रकाश दिवटे यांनी कार्यकारी अभियंता सुभाष देशपांडे आणि शहर अभियंता महेंद्र क्षिरसागर  आणि सदर मक्तेदार कंपनीचे प्रतिनिधी राजेश राजगुरू यांचे समवेत या कामाची प्रत्यक्ष जागेवर भेट देऊन पाहणी केली.

        यावेळी या ठिकाणी पाईपलाईन खुदाई करतेवेळी कोणत्याही प्रकारचे सुरक्षाविषयक काळजी व उपाययोजना करत नसल्याची बाब निदर्शनास आली.

  तसेच यापुर्वीही पाणी पुरवठा विभागाचे अधिकारी व कर्मचारी यांनी काम सुरू असताना पाहणी केली असता मक्तेदार यांचेकडून रस्त्यावर दिशादर्शक फलक व बॅरिकेटींग केल्याचे निदर्शनास आलेले नसल्याची बाब निदर्शनास आलेने संबंधित मक्तेदार कंपनी  मार्फत हे काम निष्काळजीपणे करत असल्याचे दिसून आले.

त्याचबरोबर अद्यापही रस्ता पुर्ववत करणेचे काम योग्य प्रकारे होत नसलेने  रस्त्यावर मोठे खड्डे व चिखल साचलेला आढळून येत आहे. यामुळे नागरिक आणि वाहनधारकांच्या तीव्र रोषास महानगरपालिकेस सामोरे जावे लागत आहे.

      सदर पाहणी दरम्यान या कामामध्ये अनेक त्रुटी आढळल्याने तसेच सदर काम अत्यंत संथगतीने सुरू असल्याचे निदर्शनास आलेने आयुक्त तथा प्रशासक ओमप्रकाश दिवटे यांनी पुढील तीन दिवसांत  रस्ता गुणवत्तापुर्वक करून वाहतूकीस  पुर्ववत करणेचे सक्त आदेश संबंधित मक्तेदारास  देवुन सदरचे काम विहीत मुदतीमध्ये पूर्ण करावे  अन्यथा आपणांवर निविदेमधील  अटी शर्ती नुसार पुढील योग्य ती कारवाई करणेचा इशारा कंपनीचे प्रतिनिधी राजेश राजगुरू यांना दिला.