पालकमंत्र्यांच्या विरोधात सुळकुड पाणी योजना कृती समितीचा ठिय्या व घोषणाबाजी.
इचलकरंजी
इचलकरंजी सुळकुड पाणी योजनेच्या वतीने मंजूर योजनेची अंमलबजावणी जोपर्यत होत नाही तोपर्यत मंत्र्याना गावबंदीचा निर्णय घेण्यात आला होता.इचलकरंजी महानगरपालिकेच्या विविध विकासकामाच्या शुभारंभ प्रसंगी पालकमंत्री हसन मुश्रीफ इचलकरंजीत येणार असल्याने कृती समितीने निदर्शने व काळे झेंडे दाखवण्याचा निर्णय घेतला होता.
त्या अनुषंगाणे पोलीस प्रशासनाने घेतलेली बैठक निष्फळ ठरल्याने कृती समिती आज काय भूमिका घेते याकडे शहरवासीयांचे लक्ष लागले होते.
त्यादरम्यान कृती समितीचे पदाधिकारी मदन कारंडे व सदा मलाबादे यांना पोलिसांनी सकाळी लवकर ताब्यात घेऊन आंदोलन कमकुवत करण्याचा प्रयत्न केला. त्यानंतर उर्वरित पदाधिकारी हे १०.३० च्या दरम्यान आंदोलनस्थळी जमू लागले.कोणताही अनुचित प्रकार घडू नये यासाठी पोलिसांनी मोठा बंदोबस्त तैनात केला होता.कृती समितीच्या कार्यकर्त्याना हटकण्याचा पोलिसांनी प्रयत्न केल्यानंतर शाब्दिक चकमक झाली.कृती समितीच्या कार्यकर्त्यांनी त्याच ठिकाणी ठिय्या मारला व जोरदार घोषणाबाजी सुरू केली त्यामध्ये “चले जावं चले जावं हसन मुश्रीफ चले जाव”, “या पालकमंत्र्याच करायचं काय खाली डोकं वर पाय”, “मंजुर योजनेत खोडा घालणाऱ्या पालकमंत्री हसन मुश्रीफांचा निषेध असो”, “पालकमंत्री यांना उद्घाटनास बोलवुन इचलकरंजीकर जनतेच्या जखमेवर मीठ चोळणाऱ्या महापालिका प्रशासनाचा निषेध असो”, “रक्तपाताची भाषा वापरून इचलकरंजी शहराच्या पाण्यास विरोध करणाऱ्या पालकमंत्र्यांचा धिक्कार असो”, “आधी व्हय म्हणून राजकीय अस्तित्वासाठी नंतर नाही म्हणणाऱ्या पालकमंत्र्याचा निषेध असो”अशा घोषणा देत परिसर दणाणून सोडला.
आंदोलनात सहभागी मदन कारंडे,राहुल खंजिरे,सुहास जांभळे,अभिजित पटवा,सयाजी चव्हाण,सदा मलाबादे,प्रताप पाटील,प्रसाद कुलकर्णी,विकास चौगुले,सुनील बारवाडे,प्रकाश सुतार,बजरंग लोणारी,सुषमा साळुंखे,जाविद मोमीन,रसूल नवाब,ज्योत्स्ना भिसे,शिवाजी शिंदे यांच्यासह कार्यकर्त्याना पोलिसांनी ताब्यात घेतले.
पोलिसांनी शेवटी बळाचा वापर करून कृती समितीच्या पदाधिकाऱ्यांना ताब्यात घेतले व इचलकरंजी पोलीस ठाण्यात नेऊन ठेवले.पालकमंत्री मुश्रीफ यांचे नियोजित कार्यक्रम संपल्यावर कार्यकर्त्यांना सोडण्यात आले.
आंदोलनकर्त्याना ताब्यात घेतल्यावर मुश्रीफांचा दौरा.
इचलकरंजी सुळकुड पाणी योजना कृती समितीच्या पदाधिकाऱ्यांना ठिय्या व घोषणाबाजी नंतर पोलिसांनी ताब्यात घेतले व इचलकरंजी पोलीस ठाण्यात आणून ठेवले.आंदोलकांना ताब्यात घेतल्याची खात्री झाल्यावरच मुश्रीफानी इचलकरंजीकडे प्रयाण केले.एका अधिकाऱ्याने सदर घटनेची पुष्टी दिल्याने मंजूर योजनेतून पाणी दिले असते तर ही वेळ पालकमंत्री याच्यावर आली असती का
याची जोरदार चर्चा इचलकरंजी शहरात सुरू होती
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
