२७ अश्वशक्ती वरील यंत्रमागधारकांची सवलत पोकळ थकबाकीत जमा करू नका-यंत्रमागधारक जागृती संघटना.

इचलकरंजी

२७ अश्वशक्ती वरील यंत्रमागधारकांची सवलत पोकळ थकबाकीत जमा करू नका असावं निवेदन महावितरणच्या कार्यकारी अभियंत्याना यंत्रमागधारक जागृती संघटनेने दिले.

राज्यातील २७ एच पी खालील यंत्रमागधारकांना १ रुपया प्रती युनिट आणि २७ एच पी वरील यंत्रमागधारकांना ७५ पैसे प्रती युनिट ची वीजदर सवलत राज्य सरकारने १५ मार्च २०२४ पासून लागू केली त्याप्रमाणे नुकतीच वीजबिले यंत्रमागधारकांना प्राप्त झाली. सदरी ? २७ एच पी वरील यंत्रमागधारकांना जी वीजदर सवलत राज्य सरकारने वालू बिलात दिली, ती वीजदर सवलत २०२० सालीच्या वीजबिलात पोकळ थकबाकी रद्द करण्यात आलेल्या रकमेची व्याज आणि दंड मधून महावितरणने वजा करून वीजबिलात दिलेली आहे.अतिरिक्त वीज दरातील सवलत हा तुमच्या थकबाकी मध्ये जमा करून घेण्याचा अधिकार तुम्हाला कोणी दिला? महावितरणच्या अधिकाऱ्यांनी सर्वप्रथम या केलेल्या प्रकाराबाबत तमाम यंत्रमागधारकांची लेखी माफी मागितली पाहिजे, आणि त्याचबरोबर अतिरिक्त वीजदर सवलत पूर्ववत रितसर वीजबिलातून वजा करून २७ एच पी वरील यंत्रमागधारकांना वाटप करण्यात आली पाहिजेत. आमचा राज्य सरकारकडे पाठपुरावा सुरु असताना देखील व आपल्याला हे सर्व माहित असुन देखील आपण अशा पद्धतीने यंत्रमागधारकांची फसवणुक करणे योग्य नाही असेही निवेदनात म्हंटले आहे.

महावितरणच्या सदरील कृतीमुळे सर्वच यंत्रमागधारकांमध्ये रोषाचे वातावरण निर्माण झाले आहे. महावितरणच्या विरोधात आंदोलन करून अतिरिक्त वीजदर सवलत वीजबिलातून वजा करून नविन वीजबिले काढून घेई पर्यंत प्रयत्न करणार असल्याचेही निवेदनात म्हंटले आहे.याबाबतचे प्रसिद्धीपत्रक विनय महाजन यांनी काढले आहे