धनगर व धनगड शब्द एकच : कृष्णात पुजारी इचलकरंजीत एस.टी.आरक्षण अंमलबजावणीसाठी धनगर समाजाचे उपोषण

इचलकरंजी

धनगर समाजाच्या एस.टी. प्रवर्गामध्ये घटनेमध्ये समाविष्ठ आहे. त्याची धनगड आणि धनगर, तांबडतोब अंमलबजावणी करणे. तसेच धनगर समाजाला एस.टी. आरक्षण मिळण्यासाठी पंढरपूर (जि.सोलापूर) येथे सुरू असलेल्या राज्यव्यापी आमरण उपोषणास पाठींना देण्याकरीता इचलकरंजी प्रांताधिकारी कार्यालयासमोर इचलकरंजी, हातकणंगले, शिरोळ तालुक्यातील सकल धनगर समाजाच्यावतीने एक दिवशीय लाक्षणिक उपोषण करण्यात आले.

धनगर समाज घटनेमध्ये नं.३६ हा अनुसूचित जमाती मध्ये समाविष्ठ आहे. पण त्याचे धनगर ऐवजी धनगड अशी चुकीची नोंद झाली आहे. त्यामूळे गेली ७० वर्षे धनगर समाजाचा अनुसूचित जमातीमध्ये समाविष्ठ झाला नाही. त्यासाठी आंदोलने, उपोषण करुनही आजतागायत त्याची अंमलबजावणी झालेली नाही. धनगड ही जात महाराष्ट्रात कोठेही अस्तित्वात नसलेचे शपथपत्र महाराष्ट्र शासनाने दिले आहेत.

शासन आदेश अंमलबजावणीसाठी पंढरपूर व लातूर येथे आमरण उपोषण सुरू आहे. मुख्यमंत्री यांनी मंत्रालयात धनगर समाज शिष्ठ मंडळाची बैठक घेवून सकारात्मक चर्चा करीत धनगर समाजाचा एस.टी. प्रवर्गात समाविष्ठ विधानसभा निवडणूक आचार संहिता लागण्यापूर्वी करणार असलेचे आश्वासन शिष्ठमंडळाला दिले आहे. तरी आचार संहिता लागर्‍यापुर्वी आम्हांला एस.टी. प्रवर्गात अंमलबजावणी करून समाजाला न्याय द्यावा अशी मागणी करण्यात आली आहे.

या उपोषणास माजी जि.प.सदस्य राहुल आवाडे, सागर चाळके, विठ्ठल चोपडे, मदन कारंडे, राजू बोंद्रे, प्रकाश मोरबाळे, सुहास जांभळे, बंडू मुळीक, सय्याजी चव्हाण, मोहन मालवणकर यांच्यासह लोकप्रतिनिधींनी भेट देवून पाठींबा जाहिर केला.

यावेळी राजू पुजारी, ईश्‍वर यमगर, योगिताताई घुले, सतिश यड्रावे, प्रदीप खोत, कृष्णात पुजारी, शुंभागी पुजारी, संगिता पुजारी, सचिन मासाळे, अमर पुजारी, दिपक ठोंबरे, अमोल मरले, आमगोंहा पाटील, अमोल गावडे यांच्यासह शिरोळ, हातकणंगले, इचलकरंजीमधील धनगर समाज बांधव उपस्थित होते.