इचलकरंजी मनपास्तरीय तलवारबाजी स्पर्धेचे उद्घाटन संपन्न
इचलकरंजी
२०२४-२५ या वर्षातील शालेय शासकीय जिल्हास्तर महानगर पालिका १४,१७ आणि १९ या वयोगटातल्या तलवारबाजी
स्पर्धेचा शुभारंभ इचलकरंजी महानगरपालिकेचे मुख्य लेखापाल विकास खोळपे साहेब ,रोटरी क्लबचे अध्यक्ष संतोष पाटील यांचे हस्ते राजीव गांधी भवन याठिकाणी उद्घाटन करणेत आले.
याप्रसंगी त्यांनी आपल्या मनोगतामध्ये तलवारबाजी स्पर्धेमध्ये मुलांची संख्या पहिल्यापेक्षा वाढत आहे.
इतर सर्व पालक व शिक्षकांनी या खेळाच्या वाढीसाठी भरपूर प्रयत्न केले पाहिजे असे मत व्यक्त केले.
यावेळी क्रीडा अधिकारी सूर्यकांत शेटे, प्रकाश रावळ ,विनायक हायस्कूल मुख्याध्यापक अशोक हुबळे,इंदुमती स्कूलच्या मुख्याध्यापिका सौ. पाटील मॅडम, सहा.क्रीडा अधिकारी संजय कांबळे, क्रीडा पर्येवेक्षक सचिन खोंद्रे, आकाश माने, श्याम कांबळे सर ,माने मॅडम ,संदीप नाईक , सचिन नाईक ,जिल्हा पंच संदीप जाधव सर ,उमेश पाटील सर ,प्रियंका नाकील ,सरस्वती देवडा,प्रवीण रावळ यांचेसह सर्व शाळांचे कीडाशिक्षक, मार्गदर्शक उपस्थित होते.
कार्यक्रमाचे सुत्रसंचालन क्रीडा समन्वयक श्याम कांबळे सर ,माने मॅडम यांनी आभार मानले. सदर स्पर्धेत विविध शाळेतील खेळाडू सहभागी झाले होते.
