ज्ञानेश महाराव वर कठोर कारवाई करा,संभाजी बिग्रेडवर बंदी घाला- हिंदुत्ववादी संघटना व स्वामी समर्थ भक्तांची मागणी.
इचलकरंजी:
हिंदू देवी-देवता आणि श्री स्वामी समर्थ यांच्याबद्दल संभाजी ब्रिगेडचे ज्ञानेश महाराव वारंवार हेतुपुरस्कर आक्षेपार्ह व अभद्र वक्तव्ये करत आहेत. त्यामुळे ज्ञानेश महाराव यांच्यावर कठोर कारवाई करावी, संभाजी ब्रिगेड संघटनेवर कायमस्वरुपी बंदी घालावी या मागणीसाठी इचलकरंजीत समस्त हिंदू समाज आणि श्री स्वामी समर्थ सेवा केंद्राच्या वतीने प्रांत कार्यालयावर मोर्चा काढण्यात आला.
संभाजी ब्रिगेड संघटनेच्या मुंबई येथील कार्यक्रमात ज्ञानेश महाराव यांनी प्रभु श्रीरामचंद्र, सीतामाई आणि श्री स्वामी समर्थ महाराज यांच्यासह इतर हिंदू देवी-देवतांबाबत हेतू पुरस्सर अभद्र वक्तव्य केले आहे. अशाप्रकारे ते वारंवार हिंदू देवी-देवता आणि श्रध्दास्थानाबद्दल अभद्र वक्तव्ये करत असल्याने हिंदू समाज आणि स्वामी भक्तांच्या भावना दुखावल्या असून समाजबांधव अत्यंत व्यथित झाले आहेत. त्यामुळे ज्ञानेश महाराव आणि कार्यक्रमाचे आयोजक संभाजी ब्रिगेड या दोघांवर गुन्हा दाखल करून कठोर कायदेशीर कारवाई करावी, संभाजी ब्रिगेड संघटनेवर कायमस्वरुपी बंदी घालावी अशी मागणी करत शिवतिर्थापासून जयहिंद मंडळ, राणीबाग मार्गे प्रांत कार्यालयावर मोर्चा काढण्यात आला. मागण्यांचे निवेदन प्रांताधिकार्‍यांना देऊन त्वरीत कारवाई न झाल्यास तीव्र आंदोलन छेडण्याचा इशाराही देण्यात आला.
या मोर्चात सकल हिंदू समाज बांधव आणि श्री स्वामी सेवा केंद्र, शिवप्रतिष्ठान हिंदुस्थान, विश्व हिंदू परिषद या संघटनांचे पदाधिकारी, कार्यकर्ते मोठ्या संख्येने सहभागी झाले होते.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
