सुळकुड पाणी योजना कृती समितीचा आ.प्रकाश आवाडे यांच्या घरावर घागर मोर्चा.
इचलकरंजी
इचलकरंजी शहराच्या मंजूर असलेल्या प्रलंबित सुळकुड योजनेच्या अंमलबजावणी साठी आज कृती समितीने आ.प्रकाश आवाडे यांच्या घरावर मोर्चा काढला.पोलिसांनी मोठा बंदोबस्त तैनात करत मोर्चा घराकडे जाणाऱ्या रस्त्यावरच अडवला,तेथेच समितीच्या पदाधिकाऱ्यांनी मनोगते व्यक्त करत आ.आवाडे यांच्यावर टीकास्त्र सोडले.
इचलकरंजी शहराला स्वच्छ व मुबलक पाणी मिळण्यासाठी शासनाने सर्व बाबींचा घटकांचा विचार करून मंजुर केलेली सुळकुड पाणी योजन लवकर पूर्णत्वास आणून शहरवासियाना पाणी पुरवठा व्हावा याकरीता आज सुळकुड पाणी योजना कृती समिती यांच्या वतीने कॉ. के. एल. मलाबादे चौक येथून विद्यमान आमदारांच्या घरावर मोर्चा काढण्यात आला.
यावेळी आमदार खासदार पालकमंत्री यांच्याविरोधात जोरदार घोषणाबाजी करण्यात आली.
यावेळी प्रताप होगाडे,मदन कारंडे, शशांक बावचकर,राहुल खंजिरे, संजय कांबळे,सागर चाळके,सुहास जांभळे, सौ स्मिता तेलनाडे प्रकाश मोरबाळे, पुंडलिकभाऊ जाधव,उदय पाटील,विकास चौगुले, सुनील बारवाडे,प्रताप पाटील तसेच कृती समितीचे सर्व सदस्य प्रमुख राजकीय पक्षाचे कार्यकर्ते उपस्थित होते.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
