स्वच्छता ही सेवा’ २०२४ या अभियाना अंतर्गत स्वच्छता मेळावा (क्रीडा साहित्य वाटप) कार्यक्रम उत्साहात संपन्न.

इचलकरंजी

       शासन निर्देशानुसार संपूर्ण देशात ‘स्वच्छता ही सेवा’ २०२४ अभियान मोठ्या प्रमाणात राबविणेत येत आहे.

        या अभियानाच्या अनुषंगाने दि.१७ सप्टेंबर ते २ ऑक्टोबर या कालावधीत स्वच्छता पंधरवडा साजरा करणेत येत आहे. या पंधरवड्यात विविध उपक्रम राबविणेत येत आहेत.

        या अनुषंगाने आज गुरुवार दि‌.२६  सप्टेंबर रोजी श्रीमंत नारायणराव घोरपडे नाट्यगृह येथे स्वच्छता मेळावा (क्रीडा साहित्य वाटप)  आयोजन करणेत आलेले होते. या कार्यक्रमाचा शुभारंभ आयुक्त तथा प्रशासक ओमप्रकाश दिवटे यांच्या हस्ते आणि उपायुक्त प्रसाद काटकर, उपायुक्त स्मृती पाटील यांच्या प्रमुख उपस्थितीत दिपप्रज्वलन करून करणेत आला.

   कार्यक्रमाचे प्रारंभी उपस्थित सर्व मान्यवरांनी स्वच्छतेची शपथ घेतली.

      महानगरपालिकेच्या सर्व ३५ प्राथमिक शाळांना क्रीडा साहित्य वाटप करणेत येणार असून आज याठिकाणी प्रातिनिधिक स्वरूपात काही शाळांना क्रीडा साहित्याचे वाटप आयुक्त तथा प्रशासक ओमप्रकाश दिवटे यांच्या हस्ते करणेत आले.

   यावेळी मनोगत व्यक्त करताना  आयुक्त यांनी इचलकरंजी शहरातील खेळाडूंनी विविध क्रीडा प्रकारात राज्य ,राष्ट्रीय तसेच आंतरराष्ट्रीय पातळीवर यश संपादन करणेसाठी प्रोत्साहन देण्यासाठी महानगरपालिके कडून

सर्वतोपरी प्रयत्न करणेची ग्वाही दिली. तसेच आपल्या घरातील ओला आणि सुका कचरा वेगवेगळा आपल्या परिसरात येणाऱ्या घंटागाडी मध्ये देणे साठी आणि प्लास्टिकचा वापर करु नये यासाठी आई वडिलांकडे आग्रह धरावा असे आवाहन उपस्थित विद्यार्थ्यांना केले.

 या प्रसंगी सहा.आयुक्त विजय कावळे, सहा.आयुक्त रोशनी गोडे, सहा.आयुक्त विजय राजापुरे, मुख्य लेखा परीक्षक आरती खोत,आरोग्य अधिकारी डॉ. सुनिलदत्त संगेवार, मुख्याध्यापक शंकर पोवार, प्रशासन अधिकारी इरफान पटेल, महिला बाल कल्याण अधिकारी सिमा धुमाळ, माहिती व जनसंपर्क अधिकारी नितिन बनगे, क्रीडा अधिकारी संजय शेटे, ग्रंथपाल बेबी नदाफ, खरेदी पर्यवेक्षक शितल पाटील, विधी अधिकारी खदिजा सनदी, राजेंद्र घोडके, पत्रकार संजय खुळ, अरुण काशीद यांचेसह महानगरपालिका प्राथमिक शाळेचे मुख्याध्यापक, शिक्षक, शिक्षिका, विद्यार्थी आणि विद्यार्थीनी मोठ्या संख्येने उपस्थित होते.