अवैध बीमवाहतुकीवर दंडात्मक कारवाई-पोलीस प्रशासनास युवकाचा जीव गेल्यावर जाग.
इचलकरंजी
२ दिवसांपूर्वी शिवनाकवाडी येथील युवकाच्या मृत्यूनंतर इचलकरंजी पोलीस प्रशासनास जाग आली असून धोकादायक बीम वाहतूक करणाऱ्या ३ टेंपोचालक व मालकांवर कारवाई करत २१ हजाराचा दंड वसूल केला.
शिवणाकवाडी येथील बापूसो खोत या युवकांचा दुर्देवी मृत्यू बीम धडकल्याने झाला.त्यानंतर फिर्याद नोंदवून घेण्यास पोलिसांनी दिरंगाई केली.अखेर राजकीय दबाव आल्यानंतर फिर्याद नोंदवून घेतली.सोशल मिडियावर टीकेचा भडिमार झाल्यानंतर जागे झालेल्या पोलीस प्रशासनाने तथाकथित मध्यस्थानी काढलेला लाल कापडाचा फतवा गुंडाळत कारवाईस सुरवात केली.
३ टेंपोचलकाना पकडून त्यांच्या गाड्या शहर वाहतूक कार्यालयासमोर आणण्यात आल्या. त्यांच्या सुटकेसाठी बऱ्याच राजकीय पुढाऱ्यांनी प्रयत्न केल्यानंतर सुरवातीला कडक कारवाईच्या पवित्र्यात असणारे पोलीस अधिकारी यांनी आरटीओ शी चर्चा करत दंड वाढवून टेंपोचालकाची सुटका केली.
लांडगा आला रे आला नको मोहिमेत सातत्य हवे.
शहरात बेकायदेशीर वाहतुकीबाबत नेहमीच आवाज उठत असतो,२ महिन्यात २ जणांनी प्राण गमावले असून कित्येक जण गंभीर जखमी झाले आहेत.गंभीर घटना घडली तर एखादं दुसरा दिवस मोहीम करायची आणि नंतर राजकीय वरदहस्ताने कारवाई थंड करायची अशी लांडगा आला रे आला ची प्रवृत्ती आरटीओ व पोलिसांनी न करता कारवाईत सातत्य ठेवण्याची मागणी नागरिक करत आहेत.
पोलिसांच्या दिरंगाईचे काय?
मयत बापूसो खोत याची फिर्याद नोंद करण्यास गेलेल्या युवकांना रात्रभर ५-६ तास ताटकळत ठेवून टेंपोचालकास अभय देण्याचा प्रयत्न करणाऱ्या पोलिसांवर जिल्हापोलीस प्रमुख काय कारवाई करणार याबाबत नागरिकातून विचारणा होत आहे.
