आयजीएम मध्ये ईटीपी प्रकल्प बांधण्याच्या प्रदुषण  नियंत्रण मंडळाच्या सूचना 

इचलकरंजी

 रुग्णालयातून बाहेर पडणारे बायोमेडिकल वेस्टचे लाखो लिटर सांडपाणी विनाप्रक्रिया भुयारी गटारीमार्गे पंचगंगा नदीत मिसळते. या गंभीर प्रकाराबाबत उपजिल्हा रुग्णालय अधीक्षकांवर सदोष मनुष्यवधाचा गुन्हा दाखल करून ठेकेदाराची बँक गॅरंटी जप्त करावी या मागणीची तक्रार  संतोष हत्तीकर यांनी मुख्यमंत्री व जिल्हाधिकारी यांच्याकडे केली होती.त्यानुसार महाराष्ट्र प्रदूषण नियंत्रण मंडळाचे क्षेत्रीय अधिकारी अंकुश पाटील यांनी पाहणी करून  आयजीएम मष्ये ईटीपी प्रकल्प बांधण्यासंदर्भात सूचना केल्या. या बाबत रुग्णालयाचे अधीक्षक डॉ.  नंदकुमार बनगे यांच्याशी संपर्क साधला असता त्यांनी  रुग्णालयातून बाहेर पडणारे बायोमेडिकल वेस्टच्या पाण्यावर लिक्विड वेस्ट मॅनेजमेंट सिस्टिम माध्यमातून प्रक्रिया करण्यात येत आहे. रुग्णालयातील शस्त्रक्रिया विभाग,लॅब,अपघात विभाग, प्रसूती विभाग,शवविच्छेदन विभाग अशा पाच ठिकाणी लिक्विड वेस्ट मॅनेजमेंट सिस्टिम बसविण्यात आली आहे. त्यामुळे सांडपाणी प्रक्रिये नंतर भुयारी गटारी मध्ये सोडण्यात येत असल्याचे सांगितले. तसेच प्रदूषण नियंत्रण मंडळाचे क्षेत्रीय अधिकारी यांच्या सुचने नुसार ईटीपी प्रकल्पा करिता वरिष्ठ कार्यालया कडे प्रस्ताव पाठविण्यात येणार असल्याचे सांगितले.