महाविद्यालयातील मानसशास्त्र विभागातर्फे ताण-तणाव व्यवस्थापन भित्तिपत्रिकेचे आयोजन.
इचलकरंजी
श्री स्वामी विवेकानंद शिक्षण संस्था कोल्हापूर संचलित, श्रीमती आक्काताई रामगोंडा पाटील कन्या महाविद्यालयातील मानसशास्त्र विभागातर्फे,जागतिक मानसिक आरोग्य दिनाच्या निमित्ताने कामाच्या ठिकाणचा ताण तणाव या विषयावरती एका विशेष भित्तीपत्रिकेचे आयोजन करण्यात आले होते.या भित्तीपत्रिकेचे उद्घाटन महाविद्यालयाचे प्राचार्य डॉ.बाबासाहेब दुधाळे यांच्या हस्ते पार पडले.
सध्या सर्व क्षेत्रात काम करत असतांना माणसाला प्रचंड ताणाचा सामना करावा लागतो.त्यामुळे कधी कामासाठी टाळाटाळ, काम येत असताना नाही म्हणणं, अशा गोष्टी माणसाकडून होतात, अशावेळी प्रामाणिकपणे आपलं काम करण्यासाठी काय केले पाहिजे.तसेच आजच्या धकाधकीच्या आयुष्यात माणसाने ताणविरहित काम कसे करावे, आपल्याला येणाऱ्या ताणाचे व्यवस्थापन कसे करावे, याविषयी त्यांनी विद्यार्थिनींना मार्गदर्शन केले.या भित्तीपत्रिकेचे नियोजन मानसशास्त्र विभाग प्रमुख कॅप्टन प्रमिला सुर्वे आणि प्रा.उदय कांबळे यांनी केले.
यावेळी मानसशास्त्र विभागातील सर्व विद्यार्थिनी बहुसंख्येने उपस्थित होत्या.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
