रोटरी क्लब ऑफ इचलकरंजी यांच्या कडून इंदिरा गांधी सामान्य रुग्णालयास आय.ई.सी मटेरियल प्रदान इचलकरंजी:
इंदिरा गांधी सामान्य रुग्णालय, इचलकरंजी हे इचलकरंजी नगरीतील रुग्णांसाठी आधारवड बनत आहे. गेली २८ वर्ष हे रुग्णालय या इचलकरंजी नगरीतील नागरिकांना आरोग्य सेवा देण्याच काम अविरत पणे करत आहे. तसेच या रूग्णालयाकडून रूग्णांना देत असलेल्या विविध आरोग्य सेवेची दखल घेऊन इचलकरंजी परिसरातील विविध सामाजिक संस्थेकडून विविध स्वरुपात मदत होत आहे. याच प्रमाणे या रुग्णालयाकडून सुरु असलेल्या सेवेची दखल रोटरी क्लब ऑफ इचलकरंजी या संस्थेने घेतली व यास्तव रुग्णालयातील कार्यरत असणाऱ्या कर्मचाऱ्यांकडून तसेच त्या विभागाकडून देण्यात येणाऱ्या आरोग्य शिक्षणाची रुग्णांना माहिती होण्यासाठी आपण आपल्या संस्थेकडून १,१०,०००/- रुपये किमतीच्या आय.ई.सी मटेरियल देणगी स्वरूपात या रुग्णालयास प्रदान करण्याचा कार्यक्रम संपन्न झाला. या कार्यक्रमाप्रसंगी कार्यक्रमाचे अध्यक्ष रुग्णालयाचे वैद्यकीय अधिक्षक डॉ नंदकुमार बनगे सर. यावेळी या रोटरी कल्ब ऑफ इचलकरंजी या संस्थेनी या रुग्णालयास केलेल्या मदतीसाठी आभार मानले. आणि पुढील काळात आपल्या संस्थेचे असेच सहकार्य या रुग्णालयास राहो अशी ईश्वरचरणी प्राथर्ना आपल्या मनोगतातून व्यक्त केली. या वेळी या कार्यक्रमासाठी उपस्थित रोटरी क्लब ऑफ इचलकरंजीचे पास्ट डिस्ट्रिक्ट गव्हर्नर मा. श्री नासीर बोरसदावाला तसेच ज्यांनी हा प्रोजेक्ट यशस्वी करण्यासाठी आपला बहुमुल्य वेळ दिला ते रोटरी क्लब ऑफ इचलकरंजी चे प्रोजेक्ट मॅनेजर मा.श्री. ऋषी महोंका, रोटरी क्लब ऑफ इचलकरंजी चे माजी अध्यक्ष मा. श्री. सुनील सातपुते यावर्षीचे रोटरी क्लब ऑफ इचलकरंजीचे अध्यक्ष मा श्री. संतोष पाटील, तसेच रोटरी क्लब ऑफ इचलकरंजीचे सेक्रेटरी मा श्री. पंकज कोठारी, मा.श्री चंद्रकांत मगदूम रोटरी अन्स क्लब इचलकरंजीच्या अध्यक्षा सौ. शर्मिला पाटील रोटरी अन्स क्लब इचलकरंजीच्या सेक्रेटरी सौ. वैशाली कोठारी रुग्णालयीन कर्मचारी अधिकारी उपस्थित होते.या कार्यक्रमाचे सूत्रसंचालन बाह्यरुग्ण विभागाचे अधिपरीचारक श्री. अक्षय मोरे यांनी केले. रुग्णालयाच्या बालरुग्णतज्ञ परिचारिका श्रीम. रुपाली बळीवंत यांनी या कार्यक्रमाचे आभार मानले…
