टेंपोचालकांनी समन्वयाने मार्ग काढावा,कोणताही तडका फडकी चा निर्णय इचलकरंजी च्या वस्त्रोद्योग साठी घातक ठरेल-विनय महाजन 

इचलकरंजी

इचलकरंजी शहर आणि परिसरात प्रामुख्याने वस्त्रोद्योग व्यवसाय आहे व या व्यवसायावर इचलकरंजी शहराचे भवितव्य अवलंबून आहे.त्यामुळे या क्षेत्रात उदभवणाऱ्या अडचणीबाबत सर्वानी एकत्रित मार्ग काढला पाहिजे असे मत यंत्रमागधारक जागृती संघटनेचे विनय महाजन यांनी प्रसिद्धीपत्रकाद्वारे व्यक्त केले आहे.

गेल्या काही दिवसांपासून इचलकरंजी शहरात धोकादायक पद्धतीने बीमाची वाहतूक केली गेल्या मुळे बऱ्याच नागरिकांना आपल्या जीवाला मुकावे लागले आहे किंवा जखमी झाले आहेत किरकोळ वादा वादीचे प्रकार देखील घडत आहेत खर म्हणजे व्यवसाय करताना कुणाच्या जीवाशी खेळणे योग्य नाही हे सत्य आहे ते आपल्याला मान्यच करावे लागेल.

त्यामुळे टेंपो धारकांनी सुद्धा समजूतदार पणे यामधे कायमस्वरूपी तोड़गा काढला पाहिजे व हा व्यवसाय शांततेने व शिस्तबद्ध पद्धतीने चालला पाहिजे यामध्ये कुणालाही त्रास देखील होऊ नये व कोणाच्या कामाचा खोळंबा देखील होऊ नये अश्या पद्धतीचा निर्णय घेतला पाहिजे.

याच पार्श्वभूमीवर सायझिंग धारक संघटनांनी नुकतीच एक बातमी सर्व वर्तमानपत्रात प्रसिद्ध केली आहे व यालाच विरोध म्हणून यंत्रमाग धारक संघटनांनी देखील एक वेगळी बातमी प्रसिद्ध केली आहे अशा वेगवेगळ्या बातम्या प्रसिद्ध करून आपले आपले वैयक्तिक मत व्यक्त करण्याऐवजी इचलकरंजीच्या जुन्या प्रथेप्रमाणे इचलकरंजीतील सर्व यंत्रमाग धारक संघटना सायझिंग धारक संघटना व टेम्पो धारक संघटना यांची संयुक्त एक मीटिंग घेऊन यामध्ये योग्य तो तोडगा काढून इचलकरंजी मधील  यंत्रमाग व्यवसाय कसा चालेल याच्यावर निर्णय घेतला पाहिजे अगोदरच इचलकरंजीतील यंत्रमाग व्यवसाय मरणासन्न अवस्थेकडे जात असताना पुन्हा अशा प्रत्येकाच्या आडमुठ्या धोरणामुळे किंवा फार मोठ्या वक्तव्यामुळे इचलकरंजीतील वस्त्रोद्योगाला योग्य दिशा मिळणार नाही व हा निर्णय इचलकरंजी मधील वस्त्रोद्योग साठी घातक ठरेल

इचलकरंजी मधील यंत्रमाग व्यवसायशी निगडित असलेल्या प्रत्येक घटकाने आडमुठेपणा सोडून सामंजस्यपणाची भूमिका घेणे आवश्यक आहे असेही महाजन यांनी शेवटी म्हंटले आहे.