महेश आप्पासो माळी २ वर्षासाठी कोल्हापूर व सांगली सातारा,जिल्ह्यातून हद्दपार

महेश आप्पासो माळी २ वर्षासाठी कोल्हापूर व सांगली सातारा,जिल्ह्यातून हद्दपार.

इचलकरंजी:

जिल्हा पोलीस प्रमुख महेंद्र पंडित व अप्पर पोलीस अधिक्षक निकेश खाटमोडे-पाटील यांच्या आदेशानुसार इचलकरंजी शहरातील रेकॉर्डवरील गुन्हेगार यांचे हद्दपार प्रस्ताव तयार करून सादर करणेबाबत आदेश दिले होते. त्याप्रमाणे इचलकरंजी शहरातील पोलीस ठाणे कडील रेकॉर्डवरील गुन्हेगारांची माहिती तयार करून शिवाजीनगर पोलीस ठाण्याकडून महेश आप्पासो माळी वय ३८ रा. लिगाडे मळा जवाहरनगर इचलकरंजी ता.हातकणंगले याचा हद्दपार प्रस्ताव सादर करण्यात आले होते.

शिवाजीनगर पोलीस ठाणेकडून वरील रेकॉर्डवरील गुन्हेगार याचा गुन्हे अभिलेखाप्रमाणे हद्दपार प्रस्ताव सादर करण्यात आले होते.त्याप्रमाणे सदर प्रस्तावाची चौकशी मा.श्री. समीरसिंह साळवे उपविभागीय पोलीस अधिकारी इचलकरंजी विभाग यांनी चौकशी करून अहवाल मा. उपविभागीय दंडाधिकारीसो इचलकरंजी विभाग यांना सादर केला सदर हद्दपार प्रस्तावाचे अंतिम आदेश मौसमी चौगुले उपविभागीय दंडाधिकारी इचलकरंजी विभाग,यांनी वर नमूद आरोपी यांना कोल्हापूर व सांगली व सातारा जिल्हयातून २ वर्षाकरीता हद्दपार करण्यात आले आहे तरी त्यास आज दिनांक १६/१०/१०२४ रोजी हद्दपार कारवाईकामी चिक्कोडी पोलीस ठाणे ता. चिक्कोडी जि.बेळगाव राज्य-कर्नाटक यांच्याकडे सोडण्यात आले आहे.महेश माळी यांच्यावर गंभीर स्वरूपाचे ५ गुन्हे दाखल आहेत.

सदर हद्दपार प्रस्ताव शिवाजीनगर पोलीस ठाणेकडील पो.कॉ.२३७५ बरगाले, पो. कॉ.१६३९ माळवदे व पो.कॉ.७३९ कांबळे यांनी तयार केला असून सदर प्रस्तावाचे चौकशी अहवालाचे काम पोलीस उपअधीक्षक कार्यालयाकडील पो.ना.सागर हारगुले यांनी पाहिले आहे.