इचलकरंजीकर नशीबवान २ आमदार मिळणार,हाळवणकरांचे पुनर्वसन होणार-चंद्रशेखर बावनकुळे

लायन्स क्लबमध्ये संपन्न झालेल्या मेळाव्यात त्यांनी सर्व कार्यकर्त्याना मार्गदर्शन केले. इचलकरंजी विधान सभा मतदार संघातून कमळ चिन्ह असलेल्या उमेदवाराला राज्यातील सर्वाधिक मताधिक्क्यांने विजयी करण्याचे आवाहन केले. यावेळी व्यासपीठावर केंद्रीय सहकार राज्यमंत्री मुरलीधर मोहोळ,खासदार धनंजय महाडिक,माजी आमदार सुरेश हाळवणकर,प्रदेश उपाध्यक्ष राजेश पांडे,संघटक मकरंद देशपांडे,प्रभारी माजी आमदार संजय पाटील आदी प्रमुख मान्यवर उपस्थित होते.

बावनकुळे यांनी बोलताना पक्षात हाळवणकर ज्येष्ठ असून त्यांच्या पक्षनिष्ठा व संघटनात्मक कामाचे कौतुक करताना त्यांच्यावर अन्याय।होणार नसल्याची ग्वाही दिली.मा.आ.सुरेश हाळवणकर यांनी पक्ष हा आईसारखा असतो तो सर्वांकडे लक्ष देत असतो निष्ठेने काम केल्यास पक्ष न्याय दिल्याशिवाय राहत नाही असे मत व्यक्त करताना आवाडे यांच्या पक्षप्रवेशाबाबत माझी कोणतीही नाराजी नाही,पक्षाचा आदेश येईल त्यानुसार काम करण्याचे व उमेदवारास निवडून देण्याचे आवाहन कार्यकर्त्याना केले.

केंद्रीय मंत्री मुरलीधर मोहोळ यांनी देवेंद्र फडणवीस यांच्यासह सर्वांबरोबर बोलणे झाले आहे. आम्ही सर्वजण हाळवणकर यांच्या पाठिशी आहोत. त्यांना विधान मंडळात स्थान दिले जाईल.त्यागाची परंपरा असणारा भाजप पक्ष आहे. पक्षासाठी ११२ आमदार असतांना फडणवीस उपमुख्यमंत्री झाले. राज्यात परत सत्ता आणण्यासाठी कांही कडवट निर्णय घ्यावे लागत आहेत.त्याचाच एक भाग म्हणजे आवाडे यांचा पक्षप्रवेश आहे. त्यासाठी त्यागाची भूमिका घेतलेले हाळवणकर हे पक्षासाठी वैभव आहेत. त्यांना पक्षाकडून नक्कीच योग्य न्याय मिळेल. काम करणा-या कार्यकर्त्याला न्याय देणारा भाजप आहे. प्रास्ताविक शहराध्यक्ष अमृत भोसले यांनी केले. पक्षप्रभारी माजी आमदार संजय पाटील (बेळगाव), अशोक स्वामी, मिश्रीलाल जाजू आदींची भाषणे झाली.यावेळी माजी नगराध्यक्षा अलका स्वामी, माजी उपनगराध्यक्ष तानाजी पोवार, जिल्हाध्यक्ष राजवर्धन नाईक निंबाळकर, अशोक माने, डाॅ. संजय पाटील, अजित जाधव, धोंडीराम जावळे, अनिल डाळ्या आदी उपस्थीत होते.

——-