महायुतीचे राहुल आवाडे यांच्या पदयात्रेस उस्फुर्त प्रतिसाद
इचलकरंजी:
भारतीय जनता पार्टी महायुतीचे उमेदवार राहुल आवाडे यांची रविवारी गावभागात भव्य अशी पदयात्रा काढण्यात आली. या पदयात्रेला सर्वच परिसरात उत्स्फूर्त प्रतिसाद लाभला. फुलांची उधळण, फटाक्यांची आतषबाजी आणि विजय असो च्या जयघोषांनी सारा गावभाग परिसर दणाणून सोडण्यात आला. यावेळी भागाभागात महिलांनी राहुल आवाडे यांचे औक्षण करत त्यांना विजयाचे आशिर्वादही दिले.
महायुतीच्या वतीने इचलकरंजी विधानसभा मतदारसंघात भारतीय जनता पार्टीच्या वतीने राहुल आवाडे यांना उमेदवारी देण्यात आलेली आहे. उमेदवारी जाहीर झाल्यापासून त्यांना सर्वच स्तरातून उदंड प्रतिसाद मिळत आहेत. त्यांच्या उमेदवारीने युवा वर्गात चैतन्य निर्माण झाला आहे. प्रचाराचा भाग म्हणून रविवारी गावभागात पदयात्रा काढण्यात आली. नदीवेस नाका परिसरातील मरगुबाई मंदिर येथे श्रीफळ वाढवून भाजपा प्रदेश उपाध्यक्ष सुरेश हाळवणकर, भाजपा समन्वयक अशोक स्वामी, शहराध्यक्ष पै. अमृत भोसले, प्रकाश दत्तवाडे, नंदु पाटील,बाळासाहेब कलागते,प्रविण पाटील,राजेश रजपुते,अहमद मुजावर,राजेंद्र बचाटे,पापालाल मुजावर,शांतीनाथ मगदूम,बजरंग कुंभार, किशोर पाटील,राहुल घाट,शिवाजी काळे,प्रकाश पाटील, प्रमोद बचाटे,अस्लम मुजावर,बबलु सुतार,प्रशांत कांबळे यांच्यासह भारतीय जनता पार्टीचे सर्व पदाधिकारी, कार्यकर्ते व नागरिक मोठ्या संख्येने सहभागी झाले होते.
मरगुबाई मंदिरपासून सुरु झालेली ही पदयात्रा तोडकर मळा, स्फूर्ती कॉर्नर, आंबी गल्ली जगताप तालीम, महादेव मंदिर, गुजरी कॉर्नर, झेेंडा चौक, रसना कॉर्नर, जयभवानी परिसर, चांदणी चौक, आवाडे टॉकीज, शेळके मळा, कागवाडे मळा, बागडी वसाहत परिसरातून काढण्यात आली. यावेळी भागाभागात नागरिकांचा उत्स्फूर्त प्रतिसाद मिळाला.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
