बिरला शक्तीच्या हातकणंगले तालुक्यातील विक्रेत्यांचा ‘दिवाळी मिलन मेळावा’ उत्साहात.
इचलकरंजी –
हातकणंगले तालुक्यातील बिरला शक्ती सिमेंट विक्रेत्यांचा दिवाळी मिलन मेळावा आणि विक्रेत्यांना भेटवस्तू प्रदान असा संयुक्त सोहळा मोठ्या उत्साहात पार पडला. यानिमित्ताने तालुक्यातील जवळपास दीडशेहून अधिक विक्रेते उपस्थित होते. बिरला शक्ती सिमेंटचे कोल्हापूर, सांगली, रत्नागिरी, सिंधुदुर्ग व गोवा विभागाचे रिजनल सेल्स मॅनेजर जयवंत लोखंडे, सेल्स मॅनेजर दिपक सावंत, अनिल भंगे, टेक्निकल इनचार्ज किरण खोत, कोल्हापूर-सांगली जिल्ह्याचे सेल्स प्रमोटर नितीन धुत, पूर्वा असोशिएटस्चे हर्षल धुतल बिल्डिंग मटोरियल सप्लायर्स असोशिएशनचे संस्थापक अध्यक्ष मुसा खलिफा, अध्यक्ष अक्षय सातपुते यांच्या प्रमुख उपस्थितीत हा सोहळा संपन्न झाला.
प्रारंभी हर्षल धूत यांनी उपस्थित मान्यवरांचे स्वागत केले. सेल्स प्रमोटर नितीन धूत यांनी कंपनीच्या वतीने विक्रेत्यांसाठी राबविण्यात येत असलेल्या विविध योजनांची माहिती दिली. त्याचबरोबर योजनेत सहभागी होणार्या विक्रेत्यांना विक्रीच्या प्रमाणात विविध भेटवस्तू देण्यात येत असल्याचे सांगितले. कंपनीचे टेक्निकल इनचार्ज किरण खोत यांनी, बिरला सिमेंटच्या दर्जेदार गुणवत्तेची विस्तृत माहिती दिली.
रिजनल सेल्स मॅनेजर जयवंत लोखंडे यांनी, हातकणंगले तालुक्यातील सर्वच विक्रेत्यांनी कंपनीला दिलेली साथ बहुमूल्य असून तालुक्यात उच्चांकी विक्री केल्याबद्दल अभिनंदन करत भविष्यातसुध्दा अशीच साथ कायम ठेवण्याचे आवाहन केले. यावेळी सहभागी विक्रेत्यांना मान्यवरांच्या हस्ते भेटवस्तू प्रदान करण्यात आल्या. यावेळी मनोरंजनात्मक कार्यक्रमाचे आयोजन करण्यात आले होते. विक्रेत्यांनीही त्याचा मनमुराद आनंद लुटत जल्लोष साजरा केला.
याप्रसंगी तालुक्यातील बिरला शक्ती सिमेंटचे विक्रेते मोठ्या संख्येने उपस्थित होते. कार्यक्रम यशस्वीतेसाठी अरुण आवटे, ऋषिकेश हांडे, जितेंद्र मगदूम, शिवानंद गुरव, अभिनंदन बलवान, अमोद मकोटे, अमर केसरे, शंकर गिते, रामचंद्र घट्टे, सुहास शिरढोणे यांनी परिश्रम घेतले.
फोटो – बिरला शक्ती सिमेंटच्या दिवाळी मिलन मेळाव्याप्रसंगी जयवंत लोखंडे, दिपक सावंत, अनिल भंगे, नितीन धुत, हर्षल धुत, मुसा खलिफा, अक्षय सातपुते आदी मान्यवर
