चंद्रकुमार नलगे यांना वारणा महाराष्ट्र साहित्य परिषद  जीवनगौरव पुरस्कार, ७-८ डिसेंबर रोजी विभागीय साहित्य संम्मेलनाचे वारणांनगर येथे आयोजन.

इचलकरंजी

ज्येष्ठ साहित्यिक चंद्रकुमार नलगे यांना महाराष्ट्र साहित्य परिषद शाखा-वारणानगर च्या वतीने पहिला जीवनगौरव पुरस्कार जाहीर करण्यात आला.असून दि.७ व ८ डिसेंबर रोजी शाखेच्या वतीने विभागीय साहित्य संमेलनाचे विनय कोरे क्रीडा व सांस्कृतिक विकास केंद्र,वारणा वि‌द्यापीठ,वारणानगर येथे आयोजन करण्यात आलेले आहे.

ग्रंथदिंडी,परिसंवाद,निमंत्रितांचे कवी संमेलन,कया-कथन,ग्रंथ पुरस्कार वितरण आदी कार्यक्रम होणार असून संम्मेलनाध्यक्षपदी साहित्य अकादमीचे अध्यक्ष पानिपतकार श्री.विश्वास पाटील,स्वागताध्यक्ष आ.डॉ.श्री.विनय कोरे भूषवणार आहेत.मसापचे अध्यक्ष श्री.रावसाहेब कसबे,खा.धैर्यशील माने,दलितमित्र आ.अशोक माने, मसाप कार्याध्यक्ष मिलिंद जोशी, मसाप प्रमुख कार्यवाह-सुनिता पवार, विभागीय कार्याध्यक्ष राजन मुठाणे यांची प्रमुख उपस्थिती लाभणार आहे.

ग्रंथ दिंडीने सात डिसेंबरला सकाळी साहित्य सम्मेलनाची सुरुवात होणार आहे.ग्रंथ दालनाचे उद्घाटनही होणार आहे. दुपारी एक वाजल्यापासून उद्घाटन समारंभ तर दुपारी तीन ते चार या वेळेत साहित्य चळवळीतील सहकाराचे योगदान या विषयावर परिसंवाद आयोजित केला आहे यासाठी चंद्रकांत पाटील मुख्य प्रतिनिधी दैनिक पुण्यनगरी कोल्हापूर व विनोद कुलकर्णी हे मार्गदर्शन करणार आहेत. सायंकाळी चार ते पाच या वेळेत वारणा बाल होऊन वृद्ध गीत संगीत कार्यक्रम होणार आहे.संध्याकाळी पाच ते सात या वेळेत माननीय अरुण म्हात्रे यांच्या अध्यक्षतेखाली विविध कविवृंदाच्या उपस्थितीत कवी संमेलन होणार आहे. दुसऱ्या दिवशी ८ डिसेंबरला सकाळी आठ वाजता प्राध्यापक कृष्णात खोत  यांची प्रकट मुलाखत होणार असून नऊ ते दहा या वेळेत बालसाहित्य मेळावा पार पडणार आहे दहा ते अकरा या वेळेत लेखन चळवळीतील युवकांचा सहभाग या विषयावर परिसंवाद आयोजित केलेला आहे तर एक ते अडीच या वेळेत कथाकथन कार्यक्रम होणार आहे दुपारी तीन ते पाच या वेळेत पुरस्कार वितरण समारंभ आणि सांगता समारंभ आयोजित केलेला आहे

या निमित्ताने सन २०२२-२३ या वर्षात प्रकाशित साहित्यकृती मागवण्यात आलेल्या होत्या. यामधून निवड समितीने पुरस्कारासाठी खालील साहित्य कृतीची निवड केलेली आहे

१ स्व. तात्यासाहेब कोरे कादंबरी पुरस्कार- ‘काळमेकर लाईव्ह’ बाळासाहेब लबडे, गुहागर,२ स्वर्गीय सावित्रीअक्का कोरे काव्य पुरस्कार-‘अंतस्थ हुंकार’ शिवाजी शिंदे, सोलापूर ३.स्व. शोभाताई कोरे कथा साहित्य पुरस्कार-वसप महादेव माने, सांगली ४. स्व. विलासराव कोरे संकीर्ण साहित्य पुरस्कार-‘परिघाच्या रेषेवर’ राजू पोतदार, कोल्हापूर,५. स्व. मामासाहेब गुळवणी बालसाहित्य पुरस्कार- ‘अंगत पंगत’ शिवाजी चाळक, पुणे वरील पुरस्काराचे वितरण संमेलनाच्या समारोप सत्रात सन्मानपूर्वक केले जाणार आहे अशी माहिती मसाप अध्यक्ष आ.डॉ. विनय कोरे व कार्याध्यक्ष ग्रंथमित्र-डॉ. के. जी. जाधव यांनी दिली.ग्रंथ व विविध वस्तू विक्री स्टॉल उपलब्ध केले असून. वारणा परिसरातील साहित्य प्रेमीनी याचा लाभ घ्यावा असेही आवाहन करण्यात आले आहे.

यावेळी मसाप वारणा पदाधिकारी, चंद्रकांत निकाडे.पी. एस. पाटील.पी.आंबी,डॉ.श्रीकांत पाटील, बंडगरसर, शिवाजी बोरचाटे, प्रा. डॉ. गिरी, प्रा. सुरेश आडके, अभिजीत कुंभार उपस्थित होते.