सत्यशोधक फौंडेशनचे सेवा  पुरस्कार २०२४ जाहीर

कबनूर : राष्ट्र सेवा दल कोल्हापूर जिल्ह्याचे माजी कार्याध्यक्ष साथी के एम् आवळे यांच्या स्मृतिदिनानिमित्त सामाजिक काम करणारे सामाजिक कार्यकर्ते तथा विविध क्षेत्रातील सेवाकर्मींना पुरस्कार देवून सन्मानित केले जाते. साने गुरुजी शतकोत्तर रौप्यमहोत्सवी वर्षाच्या औचित्याने हा पुरस्कार आणि विविध स्पर्धांचा बक्षीस समारंभ असा  संयुक्त कार्यक्रम करत मान्यवरांना डाॅ सुनिलकुमार लवटे यांच्या हस्ते सन्मानित केले जाणार आहे.

डाॅ रविंद्र श्रावस्ती, (साहित्य सेवा पुरस्कार),रेशमा खाडे , (कार्याध्यक्ष ,महाराष्ट्र अंनिस, कोल्हापूर),सुनिल महाडेश्वर,(राष्ट्र सेवा दल),अमोल परीट (कला सेवा पुरस्कार )याचसोबत सदाशिव मगदूम (संस्थापक, साने गुरुजी प्रतिष्ठान,मिरज) यांना गौरवान्वित करण्यासाठी विशेष पुरस्कार जाहीर करण्यात आला आहे.

        हा पुरस्कार समारंभ मातंग समाज मंदिरच्या प्रांगणात , कबनूर येथे रविवार दि १५ डिसेंबर रोजी दुपारी ३ वाजता संपन्न होणार आहे. तरी या कार्यक्रमास मोठ्या संख्येने उपस्थित राहण्याचे आवाहन या कार्यक्रमाचे समन्वयक प्रा रविंद्र पाटील आणि फौंडेशनचे अध्यक्ष डाॅ प्रदीप आवळे यांनी केले आहे.अधिक माहितीसाठी : संजय रेंदाळकर – ९६०४८२१९४१ यांच्याशी संपर्क साधावा