प्र.आयुक्त तथा प्रशासक सुषमा शिंदे यांचेकडून बायोमायनिंग सह विविध प्रकल्पाची पाहणी.
इचलकरंजी
सी.ई.पी.टी.(CEPT) युनिव्हर्सिटी अहमदाबादच्या CWAS या संस्थेसोबत इचलकरंजी महानगर पालिकेचा एम.ओ.यु.(MoU) झालेला असून इचलकरंजी शहरात विविध पर्यावरणपूरक प्रकल्प स्थापित करणेच्या दृष्टीने संस्थेस प्राप्त असलेल्या सी.एस.आर. फंडा द्वारे सोलर प्लॅन्ट व अर्बन फ़ॉरेस्ट विकसित करणेत आलेले आहे.
सदर दोन्ही प्रोजेक्टच्या माध्यमातून शहरातील महिला बचत गटांना रोजगाराची संधी उपलब्ध करून देणेच्या दृष्टीने कार्यवाही करणेचे नियोजन करणेत आलेले आहे.
या अनुषंगाने आज गुरुवार ०५ डिसेंबर २०२४ रोजी प्रभारी आयुक्त तथा प्रशासक सुषमा शिंदे यांनी या ठिकाणी भेट देऊन पाहणी केली. तसेच सध्या महानगरपालिकेकडून सुरू असलेल्या बायोमिथेन प्लॅन्टवर महिला बचत गटांच्या महिलांना रोजगार उपलब्ध करून देणेच्या दृष्टीने कार्यवाही सुरु करणेबाबत सूचना संबंधित विभाग प्रमुख यांना दिल्या.
यावेळी शहर समन्वयक प्रविण बोंगाळे, अभियंता बाजीराव कांबळे, एन.यु.एल.एम. व्यवस्थापक बाळकृष्ण व्हनखंडे, रमजान नदाफ, CWAS चे प्रतिनिधी भूषण टवलारे, संदीप जोशी, स्वच्छता निरीक्षक सुरज माळगे मुकादम संतोष कांबळे आदी उपस्थित होते.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
