२ ते ६ जानेवारी २०२५ पर्यत रोटरी ट्रेडफेअरचे भव्य आयोजन.
इचलकरंजी:
रोटरी ट्रेडफेअर हे प्रदर्शन रोटरी क्लब ऑफ इचलकरंजीच्यावतीने २ ते ६ जानेवारी २०२५ रोजी डॉ. बाबासाहेब आंबेडकर पुतळ्यानजीक केएटीपी ग्राउंड या इचलकरंजीतील मध्यवर्ती ठिकाणी भव्यपणे साकारत असल्याची माहिती प्रोजेक्ट चेअरमन मनीष मुनोत यांनी दिली.स्वागत संतोष पाटील यांनी केले या वर्षाचे रोटरी ट्रेडफेअरचे २४ वे वर्ष आहे. इचलकरंजीच्या एकमेव पसंतीचे व ग्राहकांचा उदंड प्रतिसाद लाभणारे हे प्रदर्शन याही वर्षी दिमाखात साकारणार आहे.यातून मिळणारी रक्कम ही वर्षभर विविध समाजोपयोगी कार्यक्रमासाठी वापरली जाते. गरजू लोकांना मदत, प्लॅस्टिक सर्जरी शिबिर, विविध शाळांना कॉम्प्युटर, बेंचेस, स्वच्छतागृह, डोळयाचे ऑपरेशन, विविध वक्त्त्यांची व्याख्याने ज्येष्ठ नागरिक स्नेहसंमेलने, विविध वैदयकीय तपासणीद्वारा गरजू लोकांना मदत, रक्तदान शिबिर, प्रशिक्षण शिबिरे व इतर उपक्रम घेतले जातात.
या वर्षी लेडीज व जेंट्स ड्रेस मटेरियल, आर्टीफिशियल ज्वेलरी, इलेक्ट्रॉनिक वस्तू, गृहोपयोगी उत्पादने, मोबाईल, दुचाकी व गारमेंट मशिनरी विभाग, वॉटर प्युरिफायर इ चे स्वतंत्र विभाग मांडणेत येणार आहेत. खवय्यांसाठी शुध्द शाकाहारी अत्यंत लज्जतदार व हायजेनिक पद्धतीने बनविलेले खादयपदार्थांचे विविध प्रकारचे फूड स्टॉल असणार आहेत. आईस्किम, फूट स्टॉल तसेच मनोरंजनाचे विविध कार्यक्रम, मुलांच्याकरिता मीनी वर्ल्ड असणार आहेत.
या प्रदर्शनामध्ये स्टॉलची सुबक मांडणी केली असून, नागरिकांना प्रदर्शन पाहणेकरिता रुंद व प्रशस्त रस्ते, आधुनिक भव्य मंडप, संपूर्ण परिसर मॅटने आच्छादित तसेच चोविस तास विशेष सुरक्षा, व सीसीटीव्ही (cctv) स्टेज शो, कराओके गाणी मिमिकी चे उत्कृष्ठ कार्यकम,आकर्षक बक्षिसांची लकी ड्रॉ इत्यादीचे आयोजन ही यावर्षीची खास वैशिष्ट्ये आहेत.
इचलकरंजी व परिसरातील व्यावसायिक, उत्पादक, विक्रेते, संस्था यांना आपली उत्पादने ग्राहकांपर्यंत पोहोचवणेची ही इचलकरंजीतील एकमेव व उत्तम पर्वणी आहे. स्टॉल बुकींगकरिता रोटरी ट्रेडफेअरचे चेअरमन रो. मनिष मुनोत (9822023444), रो. संजय खोत (9422412346), रो.महादेव खारगे (9822665858), रोटरी ट्रेडफेअर सेक्रेटरी रो.पंकज कोठारी (9823095907) रोटरी क्लब ऑफ इचलकरंजी क्लबचे अध्यक्ष संतोष पाटील (9422049218) सेक्रेटरी रो.चंद्रकांत मगदूम (9130935688), बॅनर जाहीरात साठी रो. सत्यनारायण धूत (9822878824) यांच्याशी संपर्क साधावा असे आवाहन करण्यात आले आहे.
या पत्रकार परिषदेस नेमिनाथ कोथळे,वसंत पाटील,अभय यळरूटे,सत्यनारायण धूत,प्रकाश गौड,संजय खोत,महेश दाते,अभय यळरुटे, विक्रम बुचडे उपस्थित होते.
Author: ICHMH51 NEWS ABHIJIT PATWA
घडामोडी वस्त्रनगरीच्या... इचलकरंजी शहरातील चालू घडामोडी, ब्रेकिंग न्यूज आपल्याला समजाव्यात यासाठी हे पोर्टल सुरू केले असून नागरी समस्यांना वाचा फोडून त्या मार्गी लावण्यासाठी आम्ही प्रयत्नशील आहोत. अधिक माहिती,बातम्या व जाहिरातीसाठी संपर्क- अभिजित राजेंद्र पटवा,इचलकरंजी. 9921600800
