इचलकरंजी महानगरपालिका शिक्षण विभाग, मॉडर्न हायस्कूल आणि रोटरी परिवार यांचे संयुक्त विद्यमाने विज्ञान प्रदर्शनाचा शुभारंभ

    इचलकरंजी महानगरपालिका शिक्षण विभाग मॉडर्न हायस्कूल इचलकरंजी रोटरी क्लब ऑफ इचलकरंजी सेंट्रल रोटरी क्लब ऑफ इचलकरंजी एक्झिक्यूटिव्ह रोटरी क्लब ऑफ इचलकरंजी टेक्स्टाईल सिटी यांच्या संयुक्त विद्यमाने शाश्वत भविष्यासाठी विज्ञान व तंत्रज्ञान या विषयावर आधारित ५२ व्या  विज्ञान प्रदर्शनाचे २०२४-२०२५ चे आयोजन शहरातील मॉडर्न हायस्कूल येथील सुभाष खोत विज्ञान नगरी येथे करण्यात आलेले आहे. या विज्ञान प्रदर्शनाचा उद्घाटन समारंभ आज गुरुवार  दि.१२ डिसेंबर रोजी इचलकरंजी शहराचे आमदार  डॉ. राहुल प्रकाश आवाडे   यांच्या हस्ते आणि प्रभारी आयुक्त तथा प्रशासक सुषमा शिंदे (कोल्हे) यांच्या प्रमुख उपस्थितीत तसेच एकनाथ आंबोकर शिक्षणाधिकारी माध्यमिक विभाग जिल्हा परिषद कोल्हापूर यांच्या अध्यक्षतेखाली चांद्रयानाच्या प्रतिकृतीचे प्रक्षेपण करुन संपन्न झाला.

    या विज्ञान प्रदर्शनामध्ये

विद्यार्थ्यांचे इयत्ता सहावी ते आठवी व नववी ते बारावी व दिव्यांग विद्यार्थी असे तीन गट असणार आहेत. तसेच प्राथमिक शिक्षकांचा एक गट,माध्यमिक शिक्षकांचा एक गट व प्रयोगशाळा परिचर असे तीन गट असणार आहे. सर्व गटांमध्ये मिळून एकूण १२५ स्पर्धक सहभागी झालेले आहेत.

      या प्रसंगी आपले मनोगत व्यक्त करताना आमदार राहुल आवाडे यांनी महानगरपालिका शाळांना सर्वतोपरी मदत करण्याचे आश्वासन दिले. प्र. आयुक्त तथा प्रशासक सुषमा शिंदे यांनी आपले मनोगत व्यक्त करताना शालेय विद्यार्थ्यांनी विज्ञान निष्ठ व्हावे असे आवाहन केले.

    कार्यक्रमाचे प्रास्ताविक उपायुक्त स्मृती पाटील यांनी केले तर आभार प्रदर्शन पर्यवेक्षक राजेंद्र घोडके यांनी केले.

    या उद्घाटन समारंभासाठी  सहा. आयुक्त विजय राजापुरे  मुख्य लेखा व वित्त अधिकारी विकास खोळपे, आरोग्य अधिकारी डॉ. सुनिलदत्त संगेवार, प्रशासन अधिकारी इरफान पटेल, माजी नगरसेवक शेखर शहा, मुख्याध्यापक शंकर पोवार,मॉडर्न एज्युकेशन सोसायटी अध्यक्षा हिमानी चाळके, मॉडर्न हायस्कूल मुख्याध्यापक श्रेयस पाटील, रोटरी क्लब ऑफ इचलकरंजी सेंट्रल चे अध्यक्ष रो. सतीश पाटील, रोटरी क्लब ऑफ इचलकरंजी एक्झिक्यूटिव्ह चे अध्यक्ष रो.गणेश निकम, रोटरी क्लब ऑफ इचलकरंजी टेक्सटाईल सिटी च्या अध्यक्ष रो.मिनु लांबा,रो.विवेक हसबे यांचेसह शहरातील विविध शाळेमधील शिक्षक शिक्षिका आणि विद्यार्थी मोठ्या संख्येने उपस्थित होते.